कोल्हापूर : पोलिस मेगा भरतीत मराठा समाजाच्या हक्काच्या तेरा टक्के जागा राखीव ठेवाव्यात किंवा भरती प्रक्रिया रद्द करावी. अन्यथा राज्य शासनाशी संघर्ष अटळ असून, जर मराठा विद्यार्थी व युवकांचे जीवन उध्वस्त झाले तर त्याची संपूर्ण जबाबदारी राज्य शासनाची राहील, असा इशारा सकल मराठा समाजाच्या बैठकीत आज देण्यात आला.

एका बाजूला मराठा आरक्षण स्थगिती व दुसऱ्या बाजूला पोलिस मेगा भरती यामुळे मराठा समाजात प्रचंड खदखद सुरू आहे. आरक्षण स्थगितीमुळे लाखो विद्यार्थ्याच्या हातातोंडाशी आलेले प्रवेश ऐन वेळी रद्द होत आहेत. यामुळे मराठा विद्यार्थी मानसिक दडपणात आहेत. नेमक्या याच वेळी राज्यामध्ये मेगा पोलिस भरती करण्याचे जाहीर केल्याने मराठ्यांच्या जखमेवर मीठ चोळल्याचा प्रकार केल्याचे स्पष्ट करण्यात आले.

राज्यात 34 टक्के मराठ्यांना नगण्य समजणे, ही बाब शासनाला पेलणारी नाही. तेव्हा हक्काच्या तेरा टक्के जागा पोलिस भरतीमध्ये राखीव ठेवाव्यात किंवा ही पोलिस भरती रद्द करावी. याबाबत त्वरित निर्णय घ्यावा. अन्यथा मराठा समाज ताकदीने रस्त्यावर उतरेल, असे ठरविण्यात आले.

हे पण वाचा - पंतप्रधान नरेंद्र मोदींचा वाढदिवस राष्ट्रीय बेरोजगार दिन म्हणून केला साजरा

यावेळी सकल मराठा समाजाचे वसंतराव मुळीक, इंद्रजीत सावंत, दिलीप देसाई, हर्षल सुर्वे, शाहीर दिलीप सावंत, संदिप देसाई, संजय जाधव, धनंजय सावंत, दिगंबर फराकटे, कमलाकर जगदाळे, सुशिल भांदिगरे, विकास जाधव, श्रीधर गाडगीळ, उदय भोसले, युवराज जाधव, मयूर पाटील, दिगंबर साळुंखे, शशिकांत पाटील, चंद्रकांत बराले, उत्तम जाधव, चंद्रमोहन पाटील, संजय काटकर, संजय जाधव, संग्रामसिंह निंबाळकर, प्रताप नाईक, प्रशांत बरगे, अवधूत पाटील उपस्थित होते.

हे पण वाचा - धक्कादायक ; कोरोनाबाधित महिलेच्या दागिन्यांवर डल्ला

संपादन - धनाजी सुर्वे