कोल्हापूर - तुमच्या घराचा आणि दुकानाचा परिसर आता तुम्हीच स्वच्छ करा, त्यासाठी सोडियम हायप्रोक्लोराईट (यूएसपी) हे औषध प्रभावी असून, ते पाण्यात मिसळून त्याची फवारणी करा, असे आवाहन महापालिका आयुक्त मल्लिनाथ कलशेट्टी यांनी आज केले आहे.
औषध दुकान, पेट्रोलपंप, खासगी कार्यालये, एटीएम सेंटर, बॅंका, किराणा मालाची दुकाने आदी अत्यावश्यक सेवा देणाऱ्या परिसरात या औषधाची फवारणी करा. पाण्याच्या चार ते सहा टक्के औषध घेऊन हे मिश्रण पंपाद्वारे फवारणी करावे, असेही कलशेट्टी यांनी सांगितले.
कोरोनाचा वाढता प्रादुर्भाव रोखण्यासाठी महापालिकेने रंकाळा परिसरासह महापालिका चौक, न्यायालय परिसर तसेच सर्वच सार्वजनिक ठिकाणी अग्निशमक दलाकडील बंबांच्या सहाय्याने अशी औषध फवारणी केली. याचप्रमाणे लोकांनीही आपापल्या परिसरात फवारणी करून आपला परिसर निर्जंतुकीकरण करून घ्यावा, असे आवाहनही त्यांनी केले आहे.
'लॉक डाऊन' मध्ये किराणा दुकान, भाजीपाला विक्री केंद्रे, मेडिकल दुकान, दूध, गॅस पुरवठा केंद्रे सुरू राहणार आहेत. या परिसरात सुरक्षित अंतर ठेवूनच लोकांना खरेदी करावी लागेल. पण, असा परिसरही निर्जंतूक राहावा, यासाठी ही औषध फवारणी महत्त्वाची आहे. दुकान मालकांनी स्वतः पुढाकार घेऊन या औषधाची फवारणी करावी, असे आवाहनही त्यांनी केले.
फवारणीचे मिश्रण असे
एक लिटर पाण्यात म्हणजे एक हजार मिलिलिटर पाण्यात सुमारे 40 ते 60 मिलिलिटर सोडियम हायप्रोक्लोराईट (यूएसपी) टाकावे. ते पाणी तुमच्या परिसरात फवारावे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.