कोल्हापुरात आक्षेपार्ह (Kolhapur Riots) स्टेटस् वरून दंगल उसळली होती. त्यानंतर प्रशासनाकडून इंटरनेट सेवा बंद करण्यात आली. मात्र, अद्यापही इंटरनेट सेवा (Internet service) सुरु नसल्याने तरुण वर्गातून नाराजी व्यक्त होत आहे.

कायदा व सुव्यवस्थेसाठी बुधवारी (ता. ७) सायंकाळी 5 वाजल्यापासून इंटरनेट सेवा बंद ठेवण्याचे आदेश प्रशासनानं दिले होते. गुरुवारी (ता. 8) रात्री 12 पर्यंत इंटरने बंदचे आदेश दिले होते. मात्र, अद्यापदेखील इंटरनेट सेवा पूर्ववत करण्यात आलेली नाहीये.

त्यामुळं कोल्हापूरमध्ये इंटरनेट सेवा कधी सुरू होणार, याकडं सर्वांचं लक्ष लागलंय. दरम्यान, अद्ययावत माहितीनुसार, आज शुक्रवारी (ता. 9) सकाळी 10 नंतर इंटरनेट सेवा पूर्ववत होणार आहे, अशी माहिती पोलीस अधीक्षक महेंद्र पंडित यांनी दिली. दरम्यान, इंटरनेट बंद असल्यामुळं डिजिटल व्यवहारावर मोठा परिणाम झाला आहे. अनेक डिजिटल व्यवहार ठप्प झाले आहेत.

काेल्हापूर शहर आणि परिसरात शांतता निर्माण करण्यासाठी पाेलिसांची जादा कुमक मागवण्यात आली आहे. याबराेबरच गेले दाेन दिवस शहरातील इंटरनेट सेवा बंद करण्याचे निर्देश इंटरनेट कंपन्यांना देण्यात आले. त्यामुळं काेल्हापूर आणि ग्रामीण भागातील इंटरनेट सेवेवर बंधन आली. सर्वच कंपन्यांनी सुविधा बंद ठेवली. ती अद्याप सुरु झाली नाही.