कोल्हापूर : करवीर निवासिनी श्री अंबाबाई (Karveer niwasani shree Ambabai) मंदिरातील यंदाच्या अक्षय तृतीयेच्या (Akshay Tutiya) सोहळ्याचे ऑनलाईन थेट प्रक्षेपण केले जाणार आहे. अक्षय तृतीयेला हजारो भाविक दर्शनासाठी मंदिरात येतात. पण, कोरोनामुळे मंदिरेच बंद असल्याने भाविकांच्या आग्रहाखातर सोहळ्याचे ऑनलाईन लाईव्ह प्रक्षेपण केले जाणार आहे. समितीच्या अधिकृत अंबाबाई लाईव्ह ॲप व फेसबुक पेजवरून हे लाईव्ह होणार असून भाविकांनी घरातूनच हा सोहळा अनुभवावा, असे आवाहन समितीने केले आहे.

Live broadcast of Akshay Tritiya ceremony at Ambabai Temple kolhapur marathi news

हेही वाचा- उद्योग, बॅंका, खासगी कार्यालये शंभर टक्के बंद;जिल्हाधिकारी दौलत देसाई

दागिने खरेदी ऑनलाईन

दरम्यान साडेतीन मुहुर्तापैकी एक असलेल्या अक्षय तृतीया मुहुर्त आता केवळ ऑनलाईनच साधता येणार आहे. त्यासाठी काही सराफांनी तयारी केली आहे. मुहुर्तावर केवळ बुकींग करता येणार आहे. डिलिव्हरी मात्र लॉकडाऊन संपल्यानंतरच दिली जाणार आहे.

बुकींगवेळीच त्याचा दर निश्‍चित केला असून त्याचे बिल ही उद्याचेच होणार असल्याचे सराफांनी सांगितले. ज्या ग्राहकांना मुहुर्त साधायचा आहे, त्यांच्यासाठी सोन्याचे दागिणे ऑनलाईन दाखविण्याची व्यवस्था सराफ दुकानदांनी केली आहे. तसेच त्याचे बील तातडीने होणार असले तरीही डिलिव्हरीची तारीख लॉकडाऊन नंतरची असणार आहे. काही सराफ पेढ्यांवर आज काही ग्राहकांनी सोने बुकींग केले. मात्र अशी खरेदी करणारे ग्राहक हे केवळ ५ ते १० टक्के असल्यामुळे हा मुहुर्त साधता येणार नसल्याचे सराफ व्यापाऱयांचे मत आहे.

Live broadcast of Akshay Tritiya ceremony at Ambabai Temple kolhapur marathi news