कोल्हापूर - सत्तेत आल्यानंतर पहिल्या कॅबिनेटच्या बैठकीत धनगर समाज आरक्षणाचा प्रश्न सोडवतो असे आश्वासन दिलेल्या भाजपने या समाजाची फसवणूक केली आहे, असा आरोप करत महाविकास आघाडी सरकार धनगर समाजाला न्याय मिळवून देईल असे आश्वासन ग्रामविकास मंत्री हसन मुश्रीफ यांनी दिले. जिल्हा धनगर समाज समन्वय समितीच्या वतीने आरक्षण अंमलबजावणी करा, या मागणीचे निवेदन सोमवारी शासकीय विश्रामगृह येथे मंत्री मुश्रीफ यांना देण्यात आले. 

दरम्यान, जिल्ह्यातील धनगर समाजातील सर्व संघटना आरक्षणाच्या मुद्दयावर एकत्र आल्या असून जिल्हा धनगर समाज समन्वय समितीची स्थापना केली आहे. या शिष्टमंडळात बबनराव रानगे, कृष्णात पुजारी, प्रा. शंकर पुजारी, प्रा. राजेंद्र कोळेकर, राजेश तांबवे, मच्छिंद्रनाथ बनसोडे, बयाजी शेळके, छगन नांगरे, प्रा. लक्ष्मण करपे, राघू हजारे, महादेव सनगर, तम्मा शिरोले, डॉ. संदीप हजारे, बाबूराव रानगे, राजेश बाणदार यांचा सहभाग होता. 
 

 हे पण वाचा - ''शेतकरीच भाजपला पायातील हातात घेवून उत्तर देतील''

संपादन - धनाजी सुर्वे