कोल्हापूर - मराठा आरक्षणाचा प्रश्न हा इतर समाजाला विश्वासात घेऊन सोडवला जावा अशी माझी सुरुवातीपासूनची भूमिका आहे. आज ओबीसी समाजाचे नेते माझ्याकडे भेटायला आले होते. त्यांनी मराठा आरक्षणाचा पेच सोडवण्यात सहकार्य करण्याची भूमिका घेण्याचा शब्द दिला आहे, अशी माहिती खासदार संभाजीराजे छत्रपती यांनी दिली. 

न्यायलयाने मराठा आरक्षणाला स्थगिती दिल्यापासून मराठा समाज आरक्षणासाठी आक्रमक होताना दिसत आहे. शिवाय मराठा समाजाला आरक्षण देताना ओबीसी आरक्षणाला  धक्का लागला तर देशभर आंदोलने करण्याची भूमिका ओबीसी समाजाने घेतली आहे. याच पार्श्वभूमिवर आज ओबीसी समाज्याच्या नेत्यांनी संभाजीराजे यांची भेट घेतली. यावेळी मराठा आरक्षणाचा पेच सोडवण्यात सहकार्य करण्याची भूमिका घेण्याचा शब्द संभाजीराजे यांना दिला. याचीच माहिती संभाजीराजे यांनी सोशल मीडियावरून दिली. 

दरम्यान, याआधिही सामाजिक न्यायमंत्री विजय वडेट्टीवार यांनी ओबीसीतून मराठा समाजाला आरक्षण देण्याच्या मुद्यावरून नाराजी व्यक्त केली होते. सध्या राज्यात ५२ टक्के सोबीसी समाजाची लोकसंख्या आहे. परंतु, लोकसंखेच्या तुलनेत या समाजाला आरक्षण मिळत नाही. शिवाय ओबीसी समाज्याच्या २७ टक्के आरक्षणात राज्यातील भटक्या-विमुक्त समाजाला आठ टक्के आरक्षण देण्यात आले आले असून यामुळे उर्वरित फक्त १९ टक्केच आरक्षण ओबीसी समाजाला आहे.

<

>

हे पण वााचा - कोल्हापुरात दोन ऑक्‍टोबरला होणार धनगर आरक्षण गोलमेज परिषद

या समाज्यातील अनेक जाती हातावर पोट भरणाऱ्या आहेत. या समाजाची आर्थिक स्थिती फारशी चांगली नाही. असे असताना ओबीसीमधून मराठा समाजाला आरक्षण दिले तर ओबीसी समाजावर अन्याय होईल अशी खंत वडेट्टीवार यांनी व्यक्त केली होती. 

दरम्यान, संभाजीराजे आज मुख्यमंत्री उद्धव ठाकरे यांची भेट घेणार आहे. 

हे पण वााचा - Kolhapur CPR Fire : जिल्हाधिकाऱ्यांची तत्परता सायकलवरुनच गाठलं सीपीआर 

संपादन - धनाजी सुर्वे