इचलकरंजी - हैद्राबादहून विमानाहून आलेल्या येथील एका प्रवाशाला आज आयजीएम रुग्णालयात विलगीकरण कक्षात दाखल करण्यात आले. त्याचा स्वॅब तपासणीसाठी घेण्यात आला आहे. या व्यक्तीचा सहप्रवाशी कोरोना बाधीत निघाल्यामुळे घरी क्वारंटाईन झालेल्या या व्यक्तीला खबरदारी म्हणून आयजीएम रुग्णालयात दाखल करण्यात आले.
कोल्हापूर येथे हैद्राबादहून विमानातून आलेल्या एका प्रवाशाला कोरोनाची लागण झाली आहे. त्यामुळे त्याच्या सहप्रवाशांची माहिती प्रशासनाने घेतली आहे. त्यामध्ये हायरिस्कमध्ये इचलकरंजीतील एक प्रवाशी असल्याचे स्पष्ट झाले. संबंधित प्रवाशी वाराणसी येथून हैद्राबाद व तेथून कोल्हापूर येथे विमानाने आला. त्याची डी.वाय. पाटील रुग्णालयात वैद्यकीय तपासणी करण्यात आली. त्यानंतर प्रभाग समितीच्या निर्णयानुसार या व्यक्तीला दत्तनगर (शहापूर) येथे होम क्वारंटाईन करण्यात आले आहे.
दरम्यान, विमानातील सहप्रवाशी कोरोनाबाधीत निघाल्यामुळे जिल्हाप्रशासनाने स्थानिक प्रशासनाला याबाबतची माहिती दिली. त्यानुसार संबंधित प्रवाशाला तातडीने आयजीएम रुग्णालयातील विलगीकरण कक्षात पाठविण्यात आले आहे. त्याचा स्वॅब घेण्यात आला आहे. त्याच्या स्वॅबचा अहवालाकडे प्रशासनाचे लक्ष लागले आहे. दरम्यान, यापुढे परदेश अथवा देशा अंतर्गत विमान प्रवास करुन आलेल्या प्रत्येक प्रवाशाचे जिल्हा प्रशासनाच्या सूचनेनुसार सक्तीने संस्थात्मक अलगीकरण अथवा पेड लॉज अलगीकरण करण्यात येणार असल्याचे आरोग्य अधिकारी डॉ.सुनिलदत्त संगेवार यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.