करंजफेण (कोल्हापूर) - अनुस्कुरा (ता. शाहूवाडी) येथे जमिनीचे सपाटीकरण करत असताना शेतजमीनीत गुप्त धनाचे मडके सापडले. त्यात 715 नाणी मिळून आली असून ती शासकीय मुल्यांकनासाठी शाहूवाडी तहसील विभागाने ताब्यात घेतली आहेत.

शाहूवाडी तालुक्‍यातील अनुस्कुरा येथील विनायक पाटील यांच्या शेतजमीनीचे सपाटीकरणाचे काम सुरू होते. बुधवारी (ता.27) रात्री पोकलेन मशिनच्या धक्‍याने मातीत असलेले एक मडके फुटले. त्यातील गुप्तधनाची नाणी विखुरली. याची माहिती तहसिल विभाग व शाहूवाडी पोलिस ठाण्याचे पोलिस निरीक्षक प्रवीण चौगुले यांना दिली. त्यांनी घटनास्थळी धाव घेतली. त्यांनी संबधित 715 नाणी व मडक्‍याचे तुकडे पंचाच्या उपस्थितीत ताब्यात घेतले. त्यानंतर ते सिल करून मुल्यांकनासाठी पाठवले.

वाचा - कसा साकारला रणरागिणी ताराराणींचा अश्‍वारूढ पुतळा ?