इचलकरंजी  (कोल्हापूर) :  कोरोनाच्या पार्श्वभूमीवर संस्थात्मक विलगीकरण कक्षातील मुलीचा विनयभंग केल्याचा गंभीर प्रकार घडला आहे. या प्रकरणी गावभाग पोलिसांनी  अमिर मरमसाब शेख (वय २१, रा. कोल्हापूर नाका) याच्यावर गुन्हा नोंद केला आहे. या घटनेनंतर विलगीकरण केंद्राजवळ मोठा तणाव निर्माण झाला होता. त्यानंतर संशयीत शेख याला विलगीकरण कक्षातून ताब्यात घेवून अटक केली आहे.

येथील प्रशासनाने एका शैक्षणिक संस्थेच्या हॉस्टेलमध्ये  कोविड केअर सेंटर सुरू केले आहे. बाहेर गावांहून आलेल्या नागरीकांना येथील विलगीकरण कक्षात ठेवले जाते. पिडीत मुलगी सांगोला (जि.सोलापूर) येथून आई वडीलांसह इचलकरंजी असा प्रवास केला आहे. रेड झोन असलेल्या जिल्ह्यातून आल्यामुळे आयजीेएम रुग्णालयात वैद्यकीय तपासणीनंतर त्यांना या ठिकाणी विलगीकरण कक्षात ठेवण्यात आले आहे.

हेही वाचा- कडेगाव तालुका पुन्हा हादरला : त्या मुलाच्या संपर्कामुळे आणखि तीन कोरोना पॉझिटिव्ह..

यातील पिडीत मुलगी आज सकाळी केंद्रातील गर्ल्स हायस्कूलच्या स्नानगृहात स्नान करीत होती. त्यावेळी संशयीत शेख हा छप्पर नसलेल्या स्नानगृहाच्या भिंतीवर चढून पिडीत मुलीचा विनयभंग केला. या प्रकारानंतर या ठिकाणी एकच खळबळ उडाली. या घटनेमुळे तणाव निर्माण झाला. पोलीस उप अधिक्षक गणेश बिरादार यांनी घटनास्थळी भेट देवून माहिती घेतली. संशयीत शेख याला पोलिसांनी अटक केली आहे. पिडीत मुलीने याबाबतची तक्रार दिली आहे.