जोतिबा डोंगर (कोल्हापूर) : स्वतःच्या घरातील मुलांवर आई-वडील जितके प्रेम करतात तितकेच प्रेम आपल्या गावातील मुलांवर प्रेम करणारेही पालक आहेत मात्र पोहाळे तर्फ आळते ता . पन्हाळा या गावातील विश्वास श्रीपती काटकर यांनी गावातून वर्षभर लग्न झालेल्या सावित्रीच्या लेकी ना माहेरची साडी देऊन पित्रू धर्म निभावला आहे . हे करताना गावातील मुलींचे लग्न झाल्यानंतर ती सासरी गेली की माहेरची माया कमी होते असा गैरसमज आहे . तो समज खोटा ठरवत सासुरवाशीन मुलींना माहेरपणाचा आधार असल्याचा संकेत देणारा उपक्रम श्री काटकर यांनी सुरू केला आहे . हा उपक्रम जिवंत असेपर्यंत सुरू ठेवण्याचा निर्धार त्यांनी केला आहे .
त्यांच्या या उपक्रमाविषयी परिसरात एक वेगळा आदर्श निर्माण झाला आहे . गावची लाडकी सुकन्या विवाह प्रसंगी सर्वांचा निरोप घेऊन आपल्या सासरला जाणार आहे . सहाजिकच अंतकरण भरून येणारा क्षण आहे .पण सर्व काही विसरून आम्ही कन्यादान करतोय . आमच्या गावची शान गावची लाडकी लेक आपल्या पदरात घ्या . अशी विनवनी करतोय . तिला आपलेसे करून माहेरची उणीव भासू नये . तिला सासर हेच माहेर असे वाटण्या करत व त्या मुलीला प्रोत्साहान देण्याकरता माहेरची साडी देण्याचा निर्णय श्री काटकर यांनी घेतला आहे .
पन्हाळा तालुक्यात मुलींचे प्रमाण कमी आहे मुलींचा जन्मदर वाढावा स्त्रीभ्रूणहत्या थांबवावी मुलगीच ही श्रेष्ठ आहे दोन्ही कुटुंबाचा उद्धार करणारी तीच आहे . सासर माहेर ला संभाळून घेणार ही मुलगीच आहे . तिचा आदर सत्कार करण्यासाठी समाजाने पुढे येणे गरजेचे आहे .
एके दिवशी गावातील महिला डॉक्टर कु . गौरी अशोक साळोखे तिचे वडील अशोक साळोखे श्री विश्वास काटकर हे तिघे एकत्र येऊन स्त्रीभ्रण हत्या या विषयावर चर्चा करत होते . त्यावेळी गौरी साळोखे हिने शालेय जीवनामध्ये कन्या वाचूया स्त्री भ्रुन हत्या या विषयी पथनाट्य करून मोठी जनजागृती केली होती . या पथनाट्याचे प्रयोग कोल्हापूर जिल्ह्यात ठिकाण झाले होते . याची आठवण करून दिली व या बैठकीतच श्री काटकर यांना गावातील मुलीना माहेरची साडी देण्याची कल्पना सुचली . त्यांनी चालू वर्षातील विवाह मुहूर्तापासून ही साडी भेट देण्यास सुरुवात केली आहे . गावातील कोणत्याही प्रकारचा जातीभेद न मानता ही साडी देण्याचे काम विश्वास काटकर त्यांच्या पत्नी पुष्पा काटकर हे दांपत्ते करीत आहे . लग्न झाले की मुली परत माहेरी आल्यावर त्यांना घरी बोलावून तिला गोडधोड खायला घालून हे साडी चोळीचे वान हे दांपत्य देत आहे .
श्री काटकर यांनी 35 वर्ष शिक्षक म्हणून सेवा केली आहे 2010 मध्ये ते सेवानिवृत्त झाले . शाळेत त्यांनी अनेक गरजूंना शैक्षणिक मदत केली आहे शाळेत चांगली सेवा केल्या बददल व उत्कृष्ट कामगिरीबद्दल त्यांना अनेक पुरस्कार मिळाले आहेत .
समाजात मुलगी हीच सर्वश्रेष्ठ आहे . ती दोन्ही कुटुंबाचा उद्धार करू शकते . गावातील सावित्रीच्या लेकींचा सन्मान करावा त्यांना अंतःकरणपूर्वक निरोप द्यावा एक सामाजिक कर्तव्य म्हणून हातभार लागावा या हेतूने मी माहेरची साडी देण्याचा उपक्रम सुरू केला आहे . मी जिवंत आहे पर्यंत हा उपक्रम सुरूच ठेवणार आहे .
विश्वास काटकर ,पोहाळे तर्फ आळते ता . पन्हाळा
संपादन - अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.