कोल्हापूर : उन्हाचा तडाखा वाढत असल्याने जिल्ह्यातील सर्व शाळा सोमवार (१५) पासून सकाळी भरणार आहेत. सकाळी ७ ते दुपारी १२ अशी शाळेची वेळ असेल. याबाबत राज्य शासनाने आज परिपत्रक काढले. जिल्हा माध्यमिक शिक्षण अधिकाऱ्यांनी याबाबतची सूचना सर्व शाळांना दिली आहे. 

शासनाच्या परिपत्रकातील माहितीनुसार, राज्यातील तापमान वाढू लागले आहे. उन्हाचा तडाखा वाढत असल्याने राज्यातील सर्व शाळा सकाळी भरवाव्यात, अशी मागणी शिक्षक संघटनांनी केली होती. त्यानंतर शासनाने सकाळी शाळा भरवण्याचा निर्णय घेतला आहे. दहावी आणि बारावीच्या परीक्षा एप्रिलच्या शेवटच्या आठवड्यात होणार आहेत. त्यांचा अभ्यासक्रम शंभर टक्के पूर्ण करणे अनिवार्य आहे. पाचवी ते अकरावीपर्यंतचा अभ्यासक्रमही पूर्ण करणे अनिवार्य आहे. त्यामुळे शाळेचा कालावधी स्थानिक परिस्थिती पाहून कमी करणे किंवा वाढवण्यास हरकत नाही, असेही परिपत्रकात म्हटले आहे.

हेही वाचा - जर तुम्हाला हाताच्या कोपराचा कोरडेपणा,काळपटपणा घालवायचा असेल तर करा हे उपाय -

संपादन - स्नेहल कदम