गडहिंग्लज (कोल्हापूर) : घरात एकीकडे लहान बहिणीच्या वाढदिवसाची तयारी सुरू असतानाच बहीण-भावाचा विहिरीत बुडून मृत्यू झाल्याची दुर्दैवी घटना हिडदुग्गी (ता. गडहिंग्लज) येथे घडली. या घटनेने पंचक्रोशीत हळहळ व्यक्त होत आहे. काल (ता. १०) सायंकाळी ही घटना घडली.राजवीर किशोर तराळ (वय ८) व प्रेरणा मनोहर कांबळे (१८) अशी या दुर्दैवी बहीण-भावाची नावे आहेत.
याबाबतची माहिती अशी,
किशोर तराळ हे कुटुंबीयांसह गोव्यात स्थायिक असतात. भावाचे लग्न ठरवण्यासाठी ते कुटुंबीयांसह महिन्यापूर्वी गावाकडे आले आहेत. प्रेरणा कांबळे हिची मोठी बहीण प्रज्ञा हिचा कालच वाढदिवस होता. घरात पाहुणे मंडळी आली होती. सायंकाळी वाढदिवसाची तयारी सुरू असतानाच प्रेरणा कपडे धुवून आणते असे सांगून विहिरीकडे गेली. तिच्यासोबत राजवीरही गेला. या वेळी राजवीर हातपाय धुताना त्याचा पाय घसरला तो पाण्यात पडला. पोहता येत नसल्याने तो बुडत असताना त्याला वाचवण्यासाठी प्रेरणाही पाण्यात गेली. तिलाही पोहता येत नव्हते.
उशिरापर्यंत घरी न परतल्याने शोध घेतला असता दोघेही बुडाल्याचे निदर्शनास आले. दोघांनाही बाहेर काढून उपजिल्हा रुग्णालयात उपचारासाठी आणले. परंतु, उपचारापूर्वीच दोघांचाही मृत्यू झाल्याचे वैद्यकीय अधिकाऱ्यांनी सांगितले. मनोहर कांबळे यांनी पोलिसात फिर्याद दिली आहे.
संपादन- अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.