निपाणी : जमिनीच्या आरोग्यासाठी कृषी खात्याकडून तालुक्यातील प्रत्येक गावातील सर्व जमिनीच्या सर्व्हे क्रमांकानुसार मोफत माती परीक्षण केले जात . मात्र आता प्रत्येक जमिनीतील मातीचे परीक्षण बंद झाले असून गावातील एकाच शेतकऱ्याच्या शेतजमिनीतील मातीचे सॅम्पल घेण्यात आले आहे . निपाणी कृषी विभागात १६ गावांची निवड झाली असून तेथील प्रत्येकी एका शेतकऱ्याच्या जमिनीतील मातीचे सॅम्पल गोकाक येथील प्रयोगशाळेत तपासणीसाठी पाठविण्यात आले आहे.
शेतातील प्रातिनिधीक मातीच्या नमुन्यांचे पृथःक्करण करून त्यातील मुख्य , दुय्यम व सूक्ष्म अन्नद्रव्यांचे प्रमाण तपासून अहवालानुसार पीक आणि खतांचे नियोजन माती परीक्षणातून होते . या आधी पहिल्या टप्प्यात भिवशी ( ता . निपाणी ) येथील प्रत्येक शेतजमिनीतील मातीचे परीक्षण झाले . त्यानंतर खात्याने पुन्हा माती परीक्षणासाठी काही गावांची निवड केली .
मात्र त्यानंतर प्रत्यक्षात मातीचे नमुने घेऊन परीक्षण करण्याचे आदेश आले नाहीत . त्यामुळे तालुक्यात माती परीक्षण उपक्रम रेंगाळला होता . पण काही दिवसापूर्वी खात्याने प्रत्येक जमिनीतील मातीचे सॅम्पल घेण्याऐवजी गावातील एकाच शेतकऱ्याच्या जमिनीतील मातीचे सॅम्पल घेण्यास सांगितले आहे . त्यानुसार १६ गावातील जमिनीतील मातीचे सॅम्पल घेण्यात आले आहेत . आता त्याचा अहवाल प्राप्त झाल्यावर संबधित शेतकऱ्याच्या जमिनीत कोणते घटक आवश्यक आहेत , त्यादृष्टीने खताची मात्रा पुरवली जाणार आहे . या जमिनीत उत्पन्न चांगले आल्यास इतर शेतकऱ्यांना एकत्र करून आवश्यक खतमात्रेबद्दल जागृती होणार आहे . त्यासाठी कृषी खात्याचे सहकार्य मिळणार आहे .
निवड झालेली गावे अशी : जत्राट , गव्हाण , लखनापूर , निपाणी , अक्कोळ , कोगनोळी , बेनाडी , यरनाळ , भिवशी , शेंडूर , बुदिहाळ , तवंदी , आडी , हंचिनाळ (के. एस. ) , कुर्ली , आप्पाचीवाडी.
'खात्याच्या नव्या निर्देशानुसार प्रत्येक शेतजमिनीतील मातीचे परीक्षण होणार नाही , गावातील एकाच शेतकऱ्याच्या जमिनीतील मातीचे परीक्षण होईल . सध्या निवड झालेल्या १६ गावातील मातीचे सॅम्पल घेऊन तपासणीसाठी पाठविले आहे . अहवाल आल्यावर त्यानुसार जमिनीत खतमात्रा पुरवली जाईल . त्यानंतर या शेतकऱ्यांनी गावातील अन्य शेतकऱ्यांच्या जमिनीचा पोत सुधारण्यासाठी कार्य करायचे आहे .'
-पुरुषोत्तम पिराजे, कृषी अधिकारी, निपाणी
संपादन - अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.