इचलकरंजी (कोल्हापूर) : सोमवार पासून शासनाने कायदेशीर दुकाने उघडण्यास परवानगी न दिल्याने मागणीवर ठाम असलेल्या स्वाभिमानी शेतकरी संघटना (Swabhimani Shetkari Sanghatana) रस्त्यावर उतरली. संघटनेच्या कार्यकर्त्यांनी मलाबादे चौकात निदर्शने केली. शुक्रवारी व्यापाऱ्यांना परवानगी न दिल्याने व्यापाऱ्यांच्या पाठीशी राहण्याचा निर्णय माजी खासदार राजू शेट्टी यांनी घेतला होता. मात्र सोमवारपासून शासनाने कायदेशीर परवानगी दिली नाही. त्यामुळे मागणीवर ठाम असलेल्या शेतकरी संघटना रस्त्यावर उतरून व्यापाऱ्यांच्या प्रश्नासाठी आक्रमक झाली आहे. गर्दी करणे आमच्या डाव्या हाताचा खेळ असून ही शेतकऱ्यांची गर्दी व्यापाऱ्यांच्या प्रश्नासाठी आहे. दुकाने उघडणाऱ्यांच्या पाठीशी स्वाभिमानी शेतकरी संघटना ठामपणे उभे राहील, असे माजी खासदार राजू शेट्टी (Raju Shetti) यांनी सांगितले.(swabhimani-party-workers-aggressive-for-traders-all-shop-open-isshu-kolhapur-lockdown-update)
रविवारी रात्रीपासून पोलिसांनी कारवाईचा इशारा देत संपूर्ण शहरातून व्यापाऱ्यांना दुकाने न उघडण्याबाबत आवाहन केले होते. आमदार प्रकाश आवाडे यांनी आंदोलनातून माघार घेतली. मात्र व्यापाऱ्यांच्या प्रश्नासाठी ठाम असलेल्या स्वाभिमानी शेतकरी संघटना रस्त्यावर उतरली आहे. जनता चौकात व्यापार सुरू करण्याच्या मागणीसाठी जोरदार निदर्शने सुरू आहेत. मोठा पोलिस बंदोबस्त तैनात करण्यात आला आहे. यामुळे शहरात दुकाने सुरू करण्याबाबत मोठ्या तणावाचे वातावरण बनले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.