पुनाळ (कोल्हापूर) -  कोरोना महामारीने देशात थैमान घातले आहे. त्याची पाळेमुळे खणून काढेपर्यंत कोरोनाने खेडोपाडी पाय रोवले आहेत. जेवढे पाॕझिटीव्ह झाले तेवढे बरे पण झाले. मृत्यूचे प्रमाण जरी कमी असले ते चिंताजनक आहे. याचाच फटका कोतोली (ता.पन्हाळा ) येथील एकाच कुटुंबातील तीघांना बसला. कोरोनामुळे तीन जमांचा मृत्यू झाला आहे. या घटनेने कुटुंबासह गावावर शोककळा पसरली आहे. 

याबाबत अधिक माहिती अशी, चौगले कुटुंबातील एकाला कोरोनाची लागण झाली होती. त्यामुळे कुटुंबातील इतर सदस्यांची तपासणी केली. त्यामध्ये आणखी तिघांचा अहवाल पाॕझिटीव्ह आला. एकाच घरातील चौघांना कोरोनाची लागण झाल्याने कुटुंबात चिंताजनक वातावरण होते. पण दूर्दैवाने त्यापैकी तिघांचा अवघ्या चोवीस तासात मृत्यू झाला.  या घटनेने कुटुंबारच काळाने घाला घातला. एकाच कुटुंबातील तीन व्यक्तींचा असा २४ तासात मृत्यू होण्यामुळे परिसरात हळहळ व्यक्त होत आहे. 

हे पण वाचा -  पंतप्रधान नरेंद्र मोदींचा वाढदिवस राष्ट्रीय बेरोजगार दिन म्हणून केला साजरा

उषाताई बाजीराव चौगले (वय 62 ) यांचे रात्री एकच्या सुमारास निधन झाले. त्यापाठोपाठ त्यांच्या जाऊबाई श्रीमती अनुसया कृष्णात चौगले (वय 70) यांचे पहाटे पाचच्या सुमारास निधन झाले. त्यापाठोपाठ दूपारी उषाताई यांचे पती बाजीराव तुकाराम पाटील (वय 68 ) यांचेही निधन झाले. एकामागून एक दुःख पचवताना सगे-संबंधी व ग्रामस्थ भावनाविवश झाले. या एकत्रीत मृत्यूने कोतोलीसह परीसर हळहळला.

हे पण वाचा - ...अन्यथा राज्य सरकारशी संघर्ष अटळ ; मराठा समाजाचा इशारा

संपादन - धनाजी सुर्वे