कोल्हापूर : पर्यावरणपूरक आकाश कंदील बनविण्याच्या व्यवसायातून सध्या पंधरा महिलांना रोजगार उपलब्ध झाला आहे. पाचगाव रोडवरील अपूर्वानगर येथील वर्षा भूमकर यांनी यासाठी पुढाकार घेत महिलांना उद्योजक बनविले आहे. या व्यवसायाच्या माध्यमातून परिसरातील पंधरा महिलांना अर्थार्जन होत आहे.
महिलांनी केवळ एक हजाराच्या भांडवलातून हा व्यवसाय सुरू केला आहे. त्यांना यातून वर्षभर काम मिळत आहे. घरकाम सांभाळून त्यांना दररोज किमान २५० ते ४०० रुपये मिळतात. भूमकर यांनी २०१२ मध्ये एक हजार रुपये गुंतवून हा व्यवसाय सुरू केला. आज त्यांना यासाठी दहा हजारांचा दोराच लागतो. व्यवसायाची व्याप्ती वाढल्याने सध्या त्यांच्याकडून परिसरातील १५ महिलांना रोजगार मिळाला आहे.
१२० प्रकारचे आकाश कंदील
पर्यावरणाला कोणताही धोका पोहोचू नये. यासाठी कागदी पुठ्ठा, दोरा, चोळीचे खण, कापडी पीस यातून पर्यावरणपूरक आकाश कंदील तयार केले जातात. यामध्ये १२० प्रकार आहेत.
दोन वर्षांपासून मी हे काम करत आहे. आपल्या वेळेप्रमाणे काम होते. त्यातून मिळणाऱ्या रकमेचा उपयोग होतो.
- रुकसाना शेख, महिला कारागीर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.