02587
...

दोन दिवसांपूर्वी आत्महत्या
केलेल्या महिलेचा मृतदेह सापडला

कोडोली येथील घटनाः आत्महत्येचे कारण अस्पष्ट

कोडोली, ता.५ : कोडोली (ता. पन्हाळा) येथील पुष्पा रावसाहेब जाधव या महिलेने दोन दिवसांपूर्वी दुपारच्या सुमारास वारणा नदीमध्ये उडी घेऊन आत्महत्या केली होती. आज दोन दिवसांनी त्यांचा मृतदेह नदीपात्रात सापडला. आत्महत्येचे नेमके कारण समजू शकले नाही.
येथाल पुष्पा जाधव या दोन दिवसांपूर्वी सकाळच्या सुमारास घरातून बाहेर पडल्या होत्या. त्यांनी कोडोली जवळच्या चिकुर्डे ते अमृतनगर दरम्यानच्या वारणा नदीवरील बंधाऱ्यावरून नदीमध्ये उडी घेऊन आत्महत्या केली असल्याचा संशय जाधव यांचा मुलगा प्रज्योतने व्यक्त केला होता. नदीच्या पुलाजवळ पुष्पा जाधव यांचा मोबाईल तसेच आपण आत्महत्या करत असल्याची चिठ्ठी आढळून आली होती. दरम्यान, याबाबतचा तपास कोडोली पोलिस दोन दिवस करत होते. पोलिसांसह आयटेक रेस्क्यु फोर्सच्या जवानांनी शोध मोहीम राबवली. अखेर आज त्यांचा मृतदेह नदीपात्रात सापडला. या शोध मोहिमेत आयटेक रेस्क्यु फोर्सचे प्रदीप पाटील, महेश धनवडे यांच्यासह जवान सहभागी झाले. पुष्पा यांच्या मागे पती, एक विवाहित मुलगी आणि मुलगा असा परिवार आहे.