(माहितीसाठी नर्तकी सुंदरी हे दीक्षा घेतल्यानंतरचे नाव आहे. तसेच ठेवावे.)
लोगो- जगन्नाथ रथ यात्रा विशेष
............
73206
दीड दशकांचा कलापूरचा रंगावलिष्कार
पुरी जगन्नाथाची रथयात्रा आजपासून; पोतदार दांपत्याची सलग १६ वर्षे सेवा
सकाळ वृत्तसेवा
कोल्हापूर, ता. २६ ः जगभरातील सर्वात मोठा धार्मिक उत्सव म्हणून प्रसिद्ध असलेल्या पुरी येथील जगन्नाथ रथयात्रा उत्सवाला उद्यापासून (ता.२७) प्रारंभ होणार आहे. यंदाच्या उत्सवातही येथील रंगावलिकार महेश पोतदार, नर्तकी सुंदरी पोतदार दांपत्य रंगावलीची सेवा देणार आहे. कालच हे दांपत्य पुरी येथे पोहोचले असून, प्रशासनाची परवानगी मिळाल्यानंतर रंगावली साकारणार आहेत.
दरम्यान, पुरी येथील जगन्नाथ मंदिर भारतातील चार प्रमुख धार्मिक स्थळांपैकी महत्त्वाचे स्थान आहे. मंदिर प्राचीन असून, भगवान श्रीकृष्णांचे जगन्नाथांच्या रूपात येथे दर्शन घडते, अशी भाविकांची श्रद्धा आहे. त्यामुळे दर्शनासाठी जगभरातून भाविक मोठ्या संख्येने हजेरी लावतात. यंदाच्या उत्सवात सलग १६ व्या वर्षी पोतदार दांपत्य रंगावली साकारणार आहेत. प्रत्येक वर्षी जगभरातून लाखो भाविक या यात्रेसाठी येतात. पाच हजारांहून अधिक वर्षांचा इतिहास या रथयात्रेला असून, प्रत्येक वर्षी आषाढातील शुक्ल पक्षातील दुसऱ्या दिवशीपासून या यात्रेला प्रारंभ होतो. भगवान श्रीकृष्ण, त्यांचे बंधू बलराम आणि बहीण सुभद्रा यांचे तीन रथ या यात्रेत सहभागी होतात. कोल्हापूरचा विचार केला, तर शहरापासून अवघ्या २० ते २२ किलोमीटर अंतरावर हातकणंगले तालुक्यातील तळंदगे गावात श्री जगन्नाथाचे पूर्वाभिमुख मंदिर आहे. येथेही उत्सव काळात विविध धार्मिक कार्यक्रम होतात.
--
शंभर ते सव्वाशे किलो रांगोळी...
महेश पोतदार सांगतात, ‘प्रत्येक वर्षी या उत्सवात श्रद्धेने सहभागी होतो. आपल्या हातून काही तरी सेवा घडावी, म्हणून १६ वर्षांपूर्वीपासून रथ मार्गावर रांगोळी साकारायला सुरुवात केली. प्रत्येक वर्षी शंभर ते सव्वाशे किलो रांगोळी घेऊन आम्ही दोघेही उत्सवासाठी येतो. गालिचा पद्धतीची रांगोळी साकारतो. पाच फूट बाय पाच फुटांपासून रांगोळी काढायला सुरुवात केली आणि आता ४० ते ४५ फूट बाय १५ फूट भव्य रांगोळी साकारतो. उत्सवासाठी येणाऱ्या भाविकांचाही त्यासाठी मदत होते. यात्रेच्या सुरुवातीच्या टप्पातच आम्ही हा आविष्कार साकारतो. साधारणपणे तीन ते चार तास रांगोळी पूर्ण करण्यासाठी लागतात. यंदाचा उत्सव पाच जुलैपर्यंत चालणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.