नंदवाळ आषाढी यात्रेच्या पूर्वतयारीसाठी प्रशासकीय बैठक संपन्न

सोनाळी, ता. २६ : लाखो भाविकांचे श्रद्धास्थान असलेल्या प्रति पंढरपूर म्हणून ओळखले जाणाऱ्या नंदवाळ (ता. करवीर ) येथे सहा जुलै रोजी होणाऱ्या आषाढी एकादशी यात्रेच्या निमित्य करवीर चे उपविभागीय अधिकारी मोसंमी चौगुले यांच्या अध्यक्षतेखाली व शासकीय विभागाच्या अधिकाऱ्यांच्या उपस्थितीत गुरुवारी नंदवाळ विठ्ठल मंदिरामध्ये प्रशासकीय बैठक झाली. उपविभागीय अधिकारी मोसंमी चौगुले यांनी यात्रेची जबाबदारी ही ग्रामपंचायत देवस्थान समिती ची असून आम्ही फक्त दिशादर्शक आहोत. असा सज्जड इशारा या दिला. जिल्हाधिकाऱ्यांनी लक्ष घालून यात्रा पार पाडण्यासाठी सहकार्याची भूमिका ठेवावी, अशी ग्रामस्थांची मागणी आहे.
गुरुवारी करवीरच्या उपविभागीय अधिकारी मोसमी चौगुले यांच्या अध्यक्षतेखाली बैठक पार पडली या बैठकीमध्ये ११ अत्यावश्यक सेवेतील विभागांना आमंत्रित करणे आले. प्रारंभी सरपंच अमर कुंभार व ग्रामसेवक प्रियंका पाटील यांनी यात्रेसंबंधी माहिती दिली व यात्रा पार पाडण्यासाठी ग्रामपंचायतीकडे निधी उपलब्ध नसून शासनाने निधी उपलब्ध करावा व भाविकांची सोय करावी अशी मागणी केली यावर उपविभागीय अधिकारी मोसमी चौगुले यांनी यात्रेची जबाबदारी ही ग्रामपंचायत व देवस्थान समिती असून आम्ही फक्त दिशादर्शक आहोत असा सज्जड दम अधिकाऱ्यांना दिला दरम्यान पार पड पडलेल्या बैठकीत यात्रेची जबाबदारी ग्रामपंचायत प्रशासन ग्रामस्थ व देवस्थान समितीवर आपली जबाबदारी झटकण्याचा प्रयत्न प्रांताधिकारी यांनी केला.त्यांच्या या भूमिकेमुळे ग्रामपंचायत प्रशासन देवस्थान समिती व ग्रामस्थांच्या मध्ये नाराजीचा समुट उमटला आहे
या पत्रकार बैठकीला करवीर च तहसीलदार स्वप्निल रावडे,करवीर पोलीस उपविभागीय अधिकारी सुजित कुमार शिरसागर, करवीर चे गटविकास अधिकारी संदीप भंडारी, अत्यावश्यक सेवा विभागाचे सर्व अधिकारी प्रतिनिधी अधिकारी दिंडी चालक ग्रामपंचायत प्रशासन देवस्थान समितीचे सर्व सदस्य व भाविक उपस्थित होते.
बैठकीसाठी वृत्तपत्र वृत्तवाहिनीच्या पत्रकारांना आमंत्रित केले होते. परंतु उपविभागीय अधिकारी मोसमी चौगुले यांनी बैठकीचे फोटो, व्हिडिओ काढण्यास मज्जाव केल्याने पत्रकारांनी नाराजी व्यक्त केली.