सेनापती विद्यामंदिरला
इंटरॅक्टिव्ह बोर्ड प्रदान
सेनापती कापशी : येथील श्री सेनापती विद्यामंदिरला येथील ग्रामपंचायतीच्या वतीने इंटरॅक्टिव्ह बोर्ड देण्यात आला. पंचायत समितीचे माजी सदस्य शशिकांत खोत यांच्या हस्ते त्याचे उद्‍घाटन झाले. इयत्ता पहिलीला सीबीएससी पॅटर्नच्या नव्या अभ्यासक्रमातील बदल समजून अध्ययन प्रक्रिया सुलभ व्हावी, विद्यार्थ्यांच्या मूलभूत संकल्पना स्पष्ट व्हाव्यात यासाठी खोत यांच्या प्रयत्नाने इंटरॅक्टिव्ह बोर्ड देण्यात आला. शाळेच्या खिडक्यांना स्लाइडिंग, जाळी व वॉटर फिल्टर देण्याचेही त्यांनी जाहीर केले. व्ही. एस. परीट यांनी स्वागत केले. यावेळी सरपंच उज्ज्वला कांबळे, उपसरपंच रजनीकांत नाईक, ग्रामपंचायत सदस्य सागर दुधाळे, इसाक मकानदार, शाळा व्यवस्थापन समितीचे अध्यक्ष अजित नाईक, विद्या मोरे, आदी उपस्थित होते.