कोल्हापूर : पाणीपट्टी आकारणी व वसुलीसाठी महानगरपालिकेने स्पॉट बिल आणि स्पॉट कलेक्‍शन हा प्रकल्प कार्यान्वित केला आहे. या सुविधेचा लाभ 28हजार 36 कनेक्‍शनधारकांनी लाभ घेतला असून सुमारे रु.5 कोटी 40 लाख 89 हजार 247/- इतकी रक्कम जागेवरच जमा झाली असल्याची माहिती आयुक्त डॉ. मल्लिनाथ कलशेट्टी यांनी दिली. 

महानगरपालिकेने पाणीपट्टी आकारणी व वसुली प्रभावीपणे व पारदर्शकपणे राबविण्यासाठी सन 2016 पासून स्पॉट बिल आणि स्पॉट कलेक्‍शन हा महत्वाकांक्षी प्रकल्प चालू करण्यात आला आहे. या प्रकल्पाव्दारे नारिकांना पाणी बिलाची आकारणी करुन प्रत्यक्ष जागेवर छापील बिल देण्याची सोय करण्यात आली आहे. तसेच ज्यांना नागरी सुविधा केंद्रामध्ये जाऊन बिलाची रक्कम भरणे शक्‍य नाही अशा नागरिकांसाठी जागेवरच बिलाची रक्कम स्वीकारुन त्याची पोहोच पावती देण्याची सुविधा उपलब्ध करुन दिलेली आहे. 

हे पण वाचा - ओबीसी समाज मराठा आरक्षणाचा पेच सोडवण्यास सहकार्य करणार ; संभाजीराजे छत्रपती

 तरी शहरातील सर्व नागरिकांना व कोल्हापूर शहर पाणी पुरवठा केंद्रावर अवलंबून असलेल्या आसपासच्या ग्रामीण भागातील नागरिकांना महानगरपालिकेच्या स्पॉट बिल आणि स्पॉट कलेक्‍शन नागरी सुविधाकेंद्राकडे बिल भरणे शक्‍य नाही, त्यांनी आपल्या दारामध्ये रिडींग घेण्यासाठी आलेल्या अधिकृत मिटर रिडर्स यांच्याकडे पाणी बिलाची रक्कम जागेवरच भरुन जागेवरच संगणकीकृत पोहोच पावती घेऊन या योजनेचा लाभ घ्यावा. या प्रकल्पामुळे नागरिकांचा वेळ, श्रम व पैशाची बचत होणार आहे. जर एखादा मिटर रिडर पैसे भरुन घेण्यास नकार देत असेल तर त्याच्या विरुध्द पाणी पुरवठा विभागाकडे लेखी तक्रार करावी. 

हे पण वाचा - कोल्हापुरात दोन ऑक्‍टोबरला होणार धनगर आरक्षण गोलमेज परिषद

संपादन - धनाजी सुर्वे