कोल्हापूर - आयसोलेशन रिंगरोडवर काल दुपारी झालेल्या अपघातात दिव्यांग महिला गंभीर जखमी झाली. सेवा रुग्णालयात त्यांचा मृत्यू झाला. मीरा गोरख नवले (वय ३५, कणेरी, ता. करवीर) असे त्यांचे नाव आहे. आणखी एक जण जखमी झाला. नोंद करण्याचे काम राजारामपुरी पोलिसांत सुरू होते.
नवले यांनी मोपेड खरेदी केली. काही बदल करण्यास मोपेड दिली होती. आज मोपेड आणण्यास आणि पासिंगसाठी त्या गेल्या होत्या. मोपेड घेऊन दुपारी आयसोलेशनमार्गे घरी जात असताना मोपेडचा अपघात झाला. त्यात नवले गंभीर जखमी झाल्या. अग्निशामक दलाने नवले यांना सेवा रुग्णालयात दाखल केले. उपचार सुरू असताना त्यांचा मृत्यू झाला.
नवले यांचे पती बेकरीत नोकरी करतात तर नवले क्‍लिनिकमध्ये काम करत होत्या. त्यांना दोन मुली आहेत. वर्षापूर्वीच त्यांनी घर बांधले होते. आठ दिवसांपूर्वीच नवले यांनी मोपेड खरेदी केली होती. पासिंग करण्याआधीच ही दुर्घटना घडली.
मोपेड पलटी होऊन अपघात झाल्याचे प्राथमिक तपासात पुढे आले आहे. संदीप शिवाजी चोरडे (वय ३४) गंभीर जखमी झाले. त्यांच्यावर खासगी रुग्णालयात उपचार सुरू आहेत. तपास व्ही. आर. भिवटे व तळेकर करीत आहेत.
संपादन - धनाजी सुर्वे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.