करमाळा : करमाळा शहराला पाणीपुरवठा करणाऱ्या जलवाहीनीच्या गळतीमुळे चार दिवसापासून पाणी बंद आहे. यामुळे संतप्त विरोधी पक्षातील बागल गटाच्या नगरसेवकांनी बुधवारी (ता. २६) सकाळी ११.३० च्या सुमारास नगरपालिकेसमोर आंदोलन करत पालिकेला कुलूप लावले.

करमाळा शहराला उजनीतून पाणी. पुरवठा होतो. पाच दिवसापासून जलवाहिनीच्या गळतीमुळे शहराचा पाणी पुरवठा बंद आहे. नगरपालिका प्रशासनाला पाणी पुरवठा सरळीत करण्यात आपयश आल्याने नागरिकांमध्ये संताप निर्माण झाला आहे. नागरीकांचे पाण्यावाचुन हाल सुरू आहेत. यातूनच बुधवारी नगरसेवकांसह नागरिकांनी आंदोलन केले. यावेळी नगरसेवक डॉ. अविनाश घोलप, श्रेणिक खाटेर, श्रीनिवास कांबळे, सचिन घोलप आदी उपस्थित होते.