राहुरी : कोरोनामुळे राज्याच्या व जिल्ह्यांच्या सीमा बंद झाल्या. लॉकडाउनमुळे अनेक स्थित्यंतरे होत आहेत. तो माणसांना माणासांपासून दूर करीत आहे. राहुरी तालुक्यात ह्रदय पिळवटून टाकणारी घटना घडली.
कोल्हार खुर्द येथील सरूबाई नामदेव चिखले (वय 78) यांचे सोमवारी सायंकाळी पाच वाजता वृद्धापकाळाने निधन झाले. त्यांच्या मागे पती, दोन मुलगे, पाच मुली, असा परिवार आहे. त्यांचा एक मुलगा जालिंदर चिखले नोकरीनिमित्त दमण येथे स्थायिक झाला.
नातेवाइकांनी जालिंदर यांना त्यांच्या आईच्या निधनाची माहिती दिली. त्यानंतर लगेच जालिंदर यांनी अंत्यविधीला निघण्याचे ठरविले; परंतु कोरोना आडवा आला. लॉकडाउनमुळे राज्याच्या व जिल्ह्यांच्या सीमा बंद आहेत. त्यामुळे स्थानिक पोलिस प्रशासनाने त्यांना अंत्यविधीसाठी जाण्यास परवानगी नाकारली.
जालिंदर यांचे प्रयत्न फोल ठरले. रात्री दहा वाजता जड अंत:करणाने, "येऊ शकत नाही, अंत्यविधी उरकून घ्या,' असा निरोप त्यांनी नातेवाइकांना दिला. "आईचे शेवटचे दर्शन घ्यायचे आहे. फोटो काढून मला पाठवा,' अशी विनंती त्यांनी केली.
नातेवाइकांनी व्हिडिओ कॉलिंगद्वारे शेकडो किलोमीटरवरील जालिंदर यांना आईचे शेवटचे दर्शन घडविले. त्या वेळी अंत्यविधीसाठी जमलेल्या सर्वांच्या अश्रूंचे बांध फुटले. अखेर काल रात्री अकरा वाजता मोजक्या नातेवाइकांच्या उपस्थितीत कोल्हार खुर्द येथे सरूबाई चिखले यांच्यावर अंत्यसंस्कार झाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.