तळेगाव दिघे (जि. नगर) : संगमनेर तालुक्यातील वडगावलांडगा शिवारात वापरात नसलेल्या विहिरीत कुजलेल्या स्थितीत एका अज्ञात इसमाचा मृतदेह आढळून आला आहे. बुधवारी (दि. १५) सकाळी साडेअकरा वाजण्याच्या सुमारास ही घटना उघडकीस आली. या घटनेने परिसरात खळबळ उडाली. याप्रकरणी संगमनेर तालुका पोलीस स्टेशनाला अकस्मात मृत्यूची नोंद करण्यात आली आहे.

याबाबतची माहिती अशी की, वडगावलांडगा शिवारात भाऊसाहेब नामदेव डोंगरे यांच्या मालकीच्या वापरात नसलेल्या विहिरीत अंदाजे ४० वर्षे वयाच्या अज्ञात इसमाचा मृतदेह पाण्यावर तरंगताना रहीवाशांना आढळून आला. याबाबत पोलिसांना कळविण्यात आले. पोलिसांनी घटनास्थळी येत मृतदेह विहिरीतून बाहेर काढून पंचनामा केला. त्यानंतर मृतदेह उत्तरीय तपासणीसाठी घुलेवाडी ग्रामीण रुग्णालयात हलविण्यात आला.

पोलिस पाटील बाळासाहेब गणपत खरात यांनी पोलिसांत खबर दिली. त्यानुसार संगमनेर तालुका पोलीस स्टेशनाला अकस्मात मृत्यू रजि. क्र. ८९ / २०१७ सीआरपीसी १७४ प्रमाणे नोंद नोंद करण्यात आली आहे. पोलीस निरीक्षक दिलीप पारेकर यांच्या मार्गदर्शनाखाली पोलीस हवालदार विष्णू आहेर अधिक तपास करीत आहे. सदर व्यक्ती कोण - कुठली ? हा प्रकार आत्महत्या की घातपात ? याबाबत परिसरात उलटसुलट चर्चा होत असून सर्वत्र खळबळ उडाली आहे.

'ई सकाळ'वरील इतर महत्त्वाच्या बातम्या : 

• चंद्रकांतदादांकडून भाजप प्रवेशासाठी ऑफर - हर्षवर्धन जाधव
• सुलतान तुघलकनेही नोटाबंदी लादली होती : यशवंत सिन्हा
• ऊसदराच्या आंदोलनास हिंसक वळण 
• बेळगावात दगडफेक; तणाव
• सोलापूर : सिद्धेश्‍वर तलावावर महापालिकेचा दावा
• 'दिव्यांगाचा निधी त्यांच्यावरच खर्च करा'
• शेतकऱ्यांना नको; सांगलीच्या पोलिसांना गोळ्या घाला
• काँग्रेस, भाजपचे उमेदवार निश्‍चित; आज घोषणा शक्‍य
• पाच टक्के 'जीएसटी'ची अंमलबजावणी