नगर : जिल्ह्यात एकीककडे काेराेना विषाणूचा प्रादुर्भाव राेखण्यासाठी प्रशासन मेटाकुटीस आले आहे. मात्र, दुसरीकडे सारी हे नवेच झंगट आले आहे. दिवसेंदिवस त्याचे रूग्ण वाढत आहेत. सिव्हीअरली रेक्युट रेस्पायरेटी इलनेस म्हणजे सारी असे वैद्यकीय भाषेत म्हटले जाते. एक संकट निस्तरताना हे सारी नावाचे संकट ठाकल्याने सर्वसामान्य लोकांच्या तोंडचे पाणी पळाले आहे. कारण या साथीचे बारा रूग्ण आहेत, जिल्हा रुग्णायालयानेच ही माहिती दिली.

हेही वाचा - नगरकरांची पहाट पुन्हा पक्ष्यांच्या किलबिलाटाने

जिल्ह्यात काेराेना रुग्णांची संख्या २८ झाली आहे. त्यातील एकाचा मृत्यू झाला आहे. तर तीन जण बरे झाल्याने त्यांना घरी साेडून देण्यात आले.एकूण 23 जणांवर उपचार सुरू आहेत. काेराेना विषाणूचा प्रादुर्भाव राेखण्यासाठी व काेराेनाची लागण झालेल्या रुग्णांना बरे करण्यासाठी आराेग्य यंत्रणा व्यस्त असतानाच आता सारीचे रूग्ण आढळले आहेत. काेराेनाबराेबरच आराेग्य विभागाला सारीच्या रुग्णांकडे लक्ष द्यावे लागत आहे.
जिल्ह्यात एकूण १२ रूग्ण आहेत, त्यांच्यावर उपचार सुरु आहेत, अशी माहिती जिल्हा शल्यचिकित्सक प्रदीप मुरंबीकर यांनी दिली.

ही आहेत सारीची लक्षणे
सर्दी, ताप, खोकला येतो. त्याला श्वास घ्यायला त्रास होतो.ही सारी आजाराची लक्षणे आहेत. नेमकी कोरोनाचीही हीच लक्षणे आहेत. त्यामुळे सर्वसामान्य लोकांमध्ये संभ्रम आहे. नेमकी ही साथ कशामुळे पसरली. त्याची सुरूवात कोठून झाली. या रोगाची लक्षणे दिसली तर ती किती घातक असतात,याबाबत वैद्यकीय सूत्रांकडूनही स्पष्टपणे सांगितले जात नाही. जिल्ह्यात जे बारा रूग्ण आहेत ते नेमकी त्यांना कोठून लागण झाली, याबाबत अधिकृत माहिती मिळालेली नाही.