पाथर्डी : उपजिल्हा रुग्णालयात वैद्यकीय अधिकारी उपलब्ध नसल्याने उपचार मिळाले नाहीत. त्यामुळे संतप्त झालेल्या सामाजिक कार्यकर्ते व रुग्णांनी रुग्णालयाच्या मुख्य दरवाजाला टाळे ठोकले. दुपारी वैद्यकीय अधिकारी आल्यानंतर उपचार सुरळीत झाले. शुक्रवारी उपजिल्हा रुग्णालयात रुग्णांच्या तपासणीसाठी एक वैद्यकीय अधिकारी नव्हते. येथील कार्यकर्ते अनिल हरेर, शनवाज शेख यांनी रुग्णालय प्रशासनाला विचारणा केली. संतप्त झालेल्या कार्यकर्त्यांनी रुग्णांच्या मदतीने रुग्णालयाला टाळे ठोकत निषेध व्यक्त केला. 

हेही वाचा वाडिया पार्कमधील ते बांधकाम अखेर पाडले 

दुपारनंतर एक वैद्यकीय अधिकारी आले. त्यांनी रुग्णांची तपासणी केली. या वेळी अनिल हरेर म्हणाले, की तालुक्‍याच्या विविध भागांतून गोरगरीब रुग्ण येऊन बराच कालावधीपासून येथे थांबून आहेत. उपजिल्हा रुग्णालयाला कायमस्वरूपी वैद्यकीय अधिकारी मिळतच नाही. तात्पुरत्या स्वरूपाच्या नियुक्तीवर काम करतात.

हेही वाचा "तनपुरे' टिकावा ही जिल्हा बॅंकेची इच्छा! 

बालकांची दोन दिवसांपासून तपासणी केली नाही. मातेला दिला जाणारा सकस आहार मिळत नाही. रुग्णाला दिला जाणारा आहाराचा ठेका रद्द करावा. दुपारी वैद्यकीय अधिकारी आल्यानंतर रुग्णांची तपासणी करण्यात आली. जिल्हा रुग्णालयाचे वैद्यकीय अधीक्षक डॉ. नवनाथ आव्हाड यांच्याशी संपर्क केला. मात्र, तो होऊ शकला नाही.