सांगली : कोरोना रुग्ण सहाय्य समितीने सुरु केलेल्या पोर्टेबल मशिनद्वारे ऑक्सिजन पुरवठ्याचा लाभ 67 रुग्णांना झाला आहे. आटपाडीच्या शासकीय कोविड सेंटरसाठीही सोमवारी मध्यरात्री दोन मशिन पाठवण्यात आल्या. त्यामुळे ग्रामीण भागातील रुग्णांनाही याचा लाभ होत आहे.
कोरोना रुग्ण सहाय्य व समन्वय समितीकडे 16 पोर्टेबल ऑक्सिजन मशिन आहेत. कोरोना रुग्णांसाठी या मशिन मोफत वापरण्यासाठी देण्यात येत आहेत. आतापर्यंत 67 रुग्णांना याचा फायदा झाला आहे. सध्या ऑक्सिजनची कमतरता असलेल्या कोरोनाबाधितांना शहरातील रुग्णालयांमध्ये बेडही मिळेनासे झाले आहेत. त्यामुळे ऑक्सिजनची गरज असलेल्या रुग्णांची फरफट होत आहे. अशावेळी कोरोना रुग्ण सहाय्य समितीने पोर्टेबल ऑक्सिजनच्या माध्यमातून रुग्णांना ऑक्सिजनची सोय उपलब्ध करुन देण्यात आली आहे.
साखळकर म्हणाले, आटपाडीच्या कोरोना सेंटरमधून काल ऑक्सिजन मशिनसाठी सामाजिक कार्यकर्ते इम्रान पटेल यांचा फोन आला होता. तेथील रुग्णांसाठी चार ते पाच दिवसांसाठी ऑक्सिजन कव्हरटेड मशीन मिळतील का, फार गरज आहे असे सांगितले. त्यांची गरज लक्षात घेता दोन मशीन पाठवल्या. रात्री मशीन पोहोचल्या आणि रुग्णालयात त्यांचा वापर चालू करण्यात आला.
साखळकर म्हणाले, आता विविध संस्थांच्या माध्यमातून पोर्टेबल ऑक्सिजन मशिन देण्याची सोय सुरु होत आहे. ऑक्सिजन लॅब नावाचा ग्रुप करुन अशा तातडीने पोर्टेबल ऑक्सिजनची सुविधा देणाऱ्या संस्थांना एकत्र आणण्याचा प्रयत्न सुरु आहे. त्यामुळे अगदी जिल्ह्यात कुणालाही ऑक्सिजनची गरज पडल्यास त्यांना जवळच्या संस्थेकडून ते उपलब्ध करण्याचा प्रयत्न करता येईल.
संपादन : प्रफुल्ल सुतार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.