कोल्हापूर - मोकांतर्गत कारवाई करण्यात आलेल्या संशयित सम्राट कोराणेच्या शिवाजी पेठेतील घराची झडती घेण्यात आली. तीन स्वतंत्र पथकांद्वारे त्याचा शोध सुरू असून, शहरासह जिल्ह्याबाहेर चार ठिकाणी पथकांकडून छापेही टाकल्याची माहिती शहर पोलिस उपअधीक्षक प्रेरणा कट्टे यांनी दिली. 

कोल्हापूर जिल्ह्यात तोतया अन्न भेसळ अधिकाऱ्यांचा पर्दाफाश 

यादवनगरातील संशयित मटका मालक सलीम मुल्ला गॅंगशी संबंधित असणाऱ्या संशयित सम्राट कोराणेवर पोलिसांनी मोकांतर्गत कारवाई केली. त्याच्यासह ४४ संशयितांविरोधात पुण्याच्या विशेष मोका न्यायालयात दोषारोपपत्रही दाखल केले. पोलिसांच्या या कारवाईने गुन्हेगारी क्षेत्राला चांगलाच दणका बसला. कारवाईची कुणकुण लागल्यापासून सम्राट पसार झाला आहे. त्याच्या मित्रपरिवारासह नातेवाइकांकडे याबाबत पोलिसांची चौकशी सुरू आहे. तो आश्रय घेऊ शकणाऱ्या सर्व ठिकाणांवरही पोलिसांची करडी नजर आहे. आज शहर पोलिस उपअधीक्षक कट्टे यांच्या मार्गदर्शनाखाली जुना राजवाडा पोलिस ठाण्याचे सहायक पोलिस निरीक्षक अविनाश माने यांनी गुन्हे शोधपथकातील कर्मचाऱ्यांसह थेट सम्राटच्या शिवाजी पेठेतील घराची झडती घेतली. सुमारे तासभर ही प्रक्रिया सुरू होती.

दहा अट्टल गुन्हेगार रत्नागिरी जिल्ह्यातून हद्दपार 

दरम्यान, त्याच्या शोधासाठी तीन स्वतंत्र पथके तैनात केली आहेत. या पथकाने निवडणुकीचा बंदोबस्ताचा ताण असतानाही आतापर्यंत शहरासह पन्हाळा, गोवा, कर्नाटकसह कोकण पट्टा, मुंबई येथे छापेही टाकले आहेत. मात्र, अद्याप तो हाती लागलेला नाही. त्याला आश्रय देणाऱ्यांचीही गय केली जाणार नाही. सम्राटच्या मालमत्तेवर टाच आणण्याच्याही हालचाली सुरू आहेत. त्यासाठी फॉरेन्सिक ऑडिटर नेमण्यापर्यंतची तयारी केली आहे. तो वेळेत न मिळाल्यास त्याला फरार घोषित करावा, या मागणीबाबतची आवश्‍यक प्रक्रिया तातडीने पूर्ण केली जाईल, असे कट्टे यांनी सांगितले.

रत्नागिरीत नाजूक विषयातील ताणामुळे पोलिस कर्मचाऱ्याची आत्महत्या