रायबाग (बेळगाव) : येथील नगर पंचायतीच्या प्रभाग ९ मधील पोटनिवडणुकीत सरस्वती रवि तराळ या विजयी झाल्या. तहसीलदार कार्यालयात आज (ता. ६) मतमोजणी झाली. कमला महादेव तराळ यांच्या निधनामुळे रिक्त झालेल्या जागेसाठी ही पोटनिवडणूक लागली होती. त्यात सासूच्या जागेवर सरस्वती तराळ यांच्या रूपाने सूनेने बाजी मारली आहे.
रायबाग नगर पंचायतीमधील प्रभाग ९ मधील पोटनिवडणुकीसाठी शुक्रवारी (ता. ३) मतदान झाले. त्यात मयत नगरसेविका कमला महादेव तराळ यांच्या सूनबाई सरस्वती रवि तराळ या विधानपरिषद सदस्य विवेकराव पाटील यांच्या गटातून अपक्ष उमेदवार म्हणून रिंगणात उतरल्या होत्या. एकुण तीन उमेदवार मैदानात होत्या.
प्रभागात ५८५ पैकी ४३१ मतदान झाले होते. त्यात सरस्वती तराळ यांना २८९, भाजपच्या उमेदवार लक्ष्मी कोळी यांना ६९ तर काॅग्रेसच्या उमेदवार सावित्री कोळी यांना ७१ मते मिळाली. विजयानंतर सरस्वती तराळ यांच्या समर्थक व कार्यकर्त्यांनी फटाक्यांच्या आतषबाजीत जल्लोष केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.