बेळगाव : एचआरसिटी (HRCT) व डिजिटल एक्स रे चाचणीचा दर राज्यभरात (maharashtra - karnataka) समान असावा यासाठी सरकारने शनिवारी (८) आदेश दिला होता. मात्र, काही वेळातच घुमजाव करुन त्यात पुन्हा वाढ करण्यात आली आहे. आधीच्या आदेशातील एचआरसिटीचा १,५०० रुपये दर केवळ बीपीएल कार्डधारक (BPL card) रुग्णांसाठी असून तर अन्य रुग्णांसाठी २,५०० रुपये दर निश्चित केल्याचे जाहीर केले आहे. यामुळे रुग्णांना पुन्हा आर्थिक (economy) फटका बसणार आहे.

कोरोना काळात विविध खासगी रुग्णालये (private hospitals) तसेच खासगी प्रयोगशाळांमध्ये एचआरसिटी व अन्य चाचण्यांसाठी मोठ्या रांगा लागत आहेत. त्यामुळे काही खासगी रुग्णालये व प्रयोगशाळा अधिक दर घेत असल्याची तक्रार वाढली होती. यामुळे राज्य सरकारने (state government) राज्यभरातील सर्व खासगी रुग्णालये आणि प्रयोगशाळांत एकच दर निर्धारित करुन शनिवारी दरपत्रकही जाहीर केले होते. मात्र, शनिवारी रात्रीच राज्य सरकारने ते मागे घेत चाचणी दरात काही प्रमाणात वाढ केली आहे‌. याआधी राज्यभरातील खासगी रुग्णालये आणि प्रयोगशाळांमध्ये एचआरसिटीसाठी १,५०० रुपये दर निश्‍चित केला होता. मात्र, आता तो २,५०० रुपये केला आहे.

सध्या कोरोना (covid-19) काळात एचआरसिटीला मागणी वाढली आहे. यामुळे बरीत खासगी रुग्णालये व प्रयोगशाळांमध्ये वाढीव दर आकारण्यात येत आहेत. आधी २ ते ३ हजार रुपये असलेला दर काही ठिकाणी ६ ते ८ हजारपर्यंत वाढविल्याच्या तक्रारी आहेत. यामुळे आधीच कोरोनाच्या संकटात सापडलेल्या लोकांना या तपासणीसाठी मोठी किंमत मोजावी लागत आहे. त्यामुळे, राज्य सरकारने शनिवारी राज्यभरातील सर्व खासगी रुग्णालये व प्रयोगशाळांनी शासकीय रुग्णालयांप्रमाणे दर आकारावा, अशी स्पष्ट सूचना केली होती. मात्र, सरकारने शनिवारी रात्रीच आपल्या आदेशात बदल केल्याने गरीब व सर्वसामान्य रुग्णांना आर्थिक फटका बसणार आहे. सरकारच्या या भूमिकेबद्दल नाराजी व्यक्त करण्यात येत आहे. सरकार दबावाला बळी पडल्याची टीका होत आहे.