Yavatmal-Washim Lok Sabha 2024: शिवसेनेच्या उध्दव ठाकरे गटाकडे विनायक राऊत यांच्या रूपाने दांडगा जनसंपर्क असलेला खासदार व उमेदवार आणि या पक्षाला मिळत असलेल्या सहानुभूतीमुळे महायुतीसाठी सिंधुदुर्ग-रत्नागिरी मतदारसंघाची लढाई सोपी असणार नाही. यातच शिवसेनेच्या शिंदे गटानेही उमेदवारी मागितल्याने महायुतीचा उमेदवार निश्‍चित झालेला नाही. भाजप येथून कमळ चिन्हावरच निवडणूक लढण्यावर ठाम आहे. यामुळे भाजप या पूर्ण मतदारसंघावर प्रभाव टाकू शकणार्‍या उमेदवाराच्या शोधात आहे. मात्र महायुतीकडून ही जागा नेमकी कुणाला सुटते त्यावर बरेच कांही अवलंबून आहे.

२०१९ चे चित्र

विनायक राऊत (शिवसेना) विजयी मते : ४,५४,०२२

डॉ. नीलेश राणे (स्वाभिमानी पक्ष) मते : २,७९,७००

नवीनचंद्र बांदिवडेकर, (काँग्रेस) मते : ६३,२९९

मारुती जोशी (वंचित आघाडी) मते : ३०,८८२

विजयी उमेदवाराचे मताधिक्य : १,७४,३२२

वर्चस्व

२००४ : शिवसेना

२००९ : काँग्रेस

२०१४ : शिवसेना

२०१९ : शिवसेना

सद्य:स्थिती

चिपळूण ते दोडामार्ग अशा लांबलचक मतदारसंघात प्रभाव टाकू शकणार्‍या उमेदवाराचा भाजपकडून शोध सुरू

शिवसेनेच्या ठाकरे गटाला सहानुभूतीचा फायदा मिळण्याची भाजपला धास्ती

भाजपची वाढलेली संघटनात्मक ताकद ठाकरे शिवसेनेसाठी डोकेदुखी

भाजपकडे यावेळी नारायण राणे, दीपक केसरकर, उदय सामंत अशा दिग्गज नेत्यांचे अतिरिक्त बळ

हे मुद्दे प्रभावी ठरणार

रोजगाराचा प्रश्न गंभी‍र

पर्यावरण संवर्धनाचा प्रश्‍न

रिफायनरी समर्थन आणि विरोध

महागाई ठरणार कळीचा मुद्दा

मुंबई गोवा महामार्गाची दुरवस्था

यांत्रिकीकरणामुळे स्थानिक मच्छिमारांच्या अडचणी वाढणार आहेत.