सांगली: धर्माच्या नावावर व्यक्तिगत लाभासाठी राजकारण करत असाल तर, महाराष्ट्राची लोक काही उत्तर प्रदेशाची लोक नाहीत त्यांना सर्व कळते. याचे उत्तर ते देतीलच असा इशारा राष्ट्रवादी काँग्रेसचे नेते आणि कर्जत-जामखेडचे आमदार रोहित पवार (Rohit Pawar) यांनी मनसे अध्यक्ष राज ठाकरे (Raj Thackeray) यांनी दिला. आज ते सांगली दौऱ्यावर आहेत.

पुढे ते म्हणाले, मुंबई महापालिकेची निवडणूक डोळ्यासमोर ठेवून राज ठाकरे बोलत आहेत. आज सामान्य लोकांच्या बाबतीत बोलण्याची गरज आहे. त्यावर न बोलता ते धर्मावर बोलत आहेत. पण धर्म हा वैयक्तिक विषय आहे. आणि या विषयावर राजकारण व्यक्तिगत लाभासाठी करत असाल तर महाराष्ट्राची लोक काही उत्तर प्रदेशाची लोक नाहीत त्यांना सर्व कळते याचे उत्तर ते देतीलच असे वक्तव्य रोहित पवार यांनी केले आहे.

राज ठाकरे यांची पूर्वीची भाषणे ही भाजप विरोधातील होती. पण आता त्यांची भाषणं ऐकली तर भाजपाचे म्हणणं ते बोलत असल्याचं लोकांच म्हणणं आहे असा टोलाही त्यांनी लगावला. तुम्ही भाजपाचे म्हणणे बोलत असाल तर लोकांना ते सर्व कळत आहे असेही ते म्हणाले.

भाजप पोलखोल यात्रेवर दगडफेक झाली याविषयी बोलताना पवार म्हणाले, भाजप हे बऱ्याच यात्रा काढत असतात. त्याची कायम दुटप्पी भूमिका असते असेही ते म्हणाले.