पुणे : 'कोरोना'च्या संचारबंदीमुळे २४ तास पोलिसांना बंदोबस्त तैनात करावा लागत असल्याने ऊन, वारा, पावसात आडोसा मिळावा यासाठी राष्ट्रीय स्वयंसेवक संघाकडून शहरात विविध ठिकाणी राहुट्या उभारल्या जात आहेत. 

लॉकडाऊन असताना पिकअप, टेम्पो घेऊन जात होता कामगारांना; पोलिसांनी पकडले अन्..

नागरिकांनी विनाकारण रस्त्यावर फिरू नये, फिरणाऱ्यांवर कारवाई करण्यासाठी पोलिसांचा बंदोबस्त तैनात केला आहे. पोलिसांना काही क्षणांचीही विश्रांती घेण्यासाठी काहीच सुविधा नाही. तसेच त्यांना रस्त्यावर थांबून किंवा पोलिस ठाणे गाठून जेवण करावे लागत आहे. गेल्या काही दिवसांपासून अवकाळी पाऊस पडत आहे, अशा वेळी पोलिसांना आडोसा शोधण्यासाठी धावपळ करावी लागत आहे. 

बातम्या ऐकण्यासाठी डाऊनलोड करा ई-सकाळचे ऍप

पुढील काही आठवडे हा कोरोना'चा बंदोबस्त कायम राहण्याची शक्यता आहे. त्यामुळे ही अडचण लक्षात घेऊन पोलिस अधिकार्यांनी संघाच्या पदाधिकार्यांशी चर्चा केली. संघाने खास हिवाळ्यात होणाऱ्या 'हेमंत' शिबीरांसाठी ६० राहुट्या घेऊन ठेवलेल्या आहेत. या राहुट्या पोलिसांसाठी उपलब्ध करून देण्याचा निर्णय घेतला. 

 Coronavirus : कर्तव्यावर असतानाच पोलिस देतायेत गरजूंना जेवणाचा डबा 

सध्या सिंहगड रस्ता, पर्वती, कोथरूड परिसरात पोलिसांनी सांगितलेल्या ठिकाणी सुमारे १५ राहुट्या उभारल्या आहेत. पुढे जशी मागणी येईल तशी वडगाव शेरी, हडपसर, विद्यापीठ, कसबा, येरवडा, कात्रज या भागात ही राहुट्या उभारल्या जातील, असे संघाचे शहर सहकार्यवाह सचिन भोसले यांनी सांगितले.