सोलापूर - राज्यात दरवर्षी सरासरी ३५ हजार रस्ते अपघातात तब्बल १८ ते २० हजार वाहनचालकांचा मृत्यू होतो; तर २० हजारांहून अधिक जण गंभीर जखमी होत असल्याचे निरीक्षण महामार्ग पोलिसांनी नोंदविले. तरीही वाहन चालवायला येत नसतानाही एजंटांच्या माध्यमातून परवाना देण्याचे प्रकार तालुकास्तरीय कॅम्पमध्ये उघडपणे सुरू आहेत. या पार्श्‍वभूमीवर आता रोडसेफ्टीच्या माध्यमातून कॅम्पसंदर्भात स्वतंत्र मॉडेल तयार करण्यात येत आहे. त्यामुळे अपघातही कमी होतील आणि आरटीओ तथा अन्य अधिकाऱ्यांच्या अनधिकृत कमाईला ‘ब्रेक’ लागेल, असा विश्‍वास परिवहन आयुक्‍तालयाने व्यक्‍त केला. 

वाहतूक नियमांचे ज्ञान नसल्याने अनेकांना रस्ते अपघातात जीव गमवावा लागला. दुचाकीस्वार हेल्मेट घालत नाहीत, चारचाकी चालक सीटबेल्ट वापरत नसल्याचे दिसून येते.