सातारा : जिल्ह्यातील कंटेनमेंट झोन वगळता उर्वरित सर्व ठिकाणच्या परमिटरूममध्ये (एफएल-3) मद्याचा साठा शिल्लक असेपर्यंत किंवा लॉकडाउनचा कालावधी संपेपर्यंत सीलबंद बाटलीतून मद्यविक्रीस परवानगी देण्यात आली आहे, अशी माहिती जिल्हाधिकारी शेखर सिंह यांनी दिली.
 
यामध्ये कोणत्याही परिस्थितीत कंटेनमेंट झोनमधील मद्य दुकाने सुरू राहणार नाहीत. परमिटरूम सुरू राहण्याच्या वेळा सकाळी 11 ते सायंकाळी सहा वाजेपर्यंत सुरू ठेवाव्यात. ही सवलत केवळ परमिटरूम (एफएल-3) मधील 19 मार्चअखेरीस असलेला मद्यसाठा संपेपर्यंत किंवा लाकडाउनचा कालावधी संपेपर्यंत यापैकी जे आधी होईल, तोपर्यंत लागू राहतील. त्यांनी त्यांचा शिल्लक मद्यसाठा सीलबंद बाटलीतून केवळ दारू पिण्याचा परवाना असलेल्यांनाच विक्री करता येईल. मद्यसाठा एमआरपी दराने विकणे बंधनकारक असेल. त्यावरील विक्रीकर रितसर भरावा लागणार आहे.

परमिटरूमच्या ठिकाणी मद्यप्राशन करण्यास देऊ नये, अन्यथा आदेशाचा भंग मानला जाईल. परमिटरूमधारकांना मद्यसाठा सीलबंद विक्रीसाठी परवानगी दिलेली असून त्यांना नव्याने मद्यसाठा हे आदेश लागू असेपर्यंत खरेदी करता येणार नाही.

कॉंग्रेस नेत्याच्या व्हायरल ऑडिओ क्लिप विषयी सेनेचे मंत्री म्हणाले....

प्रवाशांच्या सेवेसाठी एसटी सज्ज; वेळापत्रक जाहीर

इथं नाकात कापूस भरायची वेळ आलीय अन्...

सातारा : जवानांकडून क्वारंटाइनमध्येही आगळी कृतज्ञता

काय सांगता? तुमच्याकडेही कर्ज वसुलीचा तगादा?