म्हसवड (जि. सातारा)  : येथील माण नदी पात्रालगत भट्टीतून गावठी दारू काढण्याचे काम सुरू असताना प्रांताधिकारी अश्‍विनी जिरंगे यांनी छापा टाकला. या वेळी ट्रॅक्‍टरच्या टायरची दारूने भरलेली ट्यूब, एक कॅन दारू इलेक्‍ट्रिक मोटरपंप पत्र्याच्या तेलाचे पाच डबे, एक बॅरल, चार बाटल्या आढळून आले. त्यानंतर त्यांनी पोलिसांना बोलावून हातभट्टी उद्‌ध्वस्त केली. संबंधितावर गुन्हा दाखल करण्याच्या सूचना दिल्या आहेत.
 
प्रांताधिकारी जिरंगे म्हसवड शहरात लॉकडाउनच्या पार्श्‍वभूमीवर आल्या असता त्यांना गावठी हातभट्टी दारू काढण्यात येत असल्याची माहिती मिळताच त्यांनी त्या ठिकाणी जाऊन कारवाई केली. त्या वेळी त्यांना तेथे दारू तयार करत असल्याचे निदर्शनास आले. दारू काढणारे दोघे जणांची पळताभुई थाेडी झाली मात्र अंधाराचा फायदा घेऊन फरारी होण्यात यशस्वी झाले. 

दरम्यान जिरंगे यांनी पोलिसांना बोलावून हातभट्टी उद्‌ध्वस्त केली. संबंधितावर गुन्हा दाखल करण्याच्या सूचना दिल्या आहेत.

पाच जणांचे रिपाेर्ट निगेटिव्ह

सातारा : क्रांतिसिंह नाना पाटील सर्वसाधारण रुग्णालय, सातारा येथे दाखल असणाऱ्या 5 कोरोना अनुमानितांचे रिपोर्ट बुधवारी (ता.15) निगेटिव्ह आले असून 9 नागरिकांना कोरोना अनुमानित म्हणून विलगीकरण कक्षात दाखल करण्यात आले असल्याची माहिती जिल्हा शल्यचिकित्सक डॉ. आमोद गडीकर यांनी दिली आहे.
 
क्रांतिसिंह नाना पाटील सर्वसाधारण रुग्णालयात 4 नागरिकांना श्वसन संस्थेच्या तीव्र जंतु संसर्गामुळे कोरोना अनुमानित म्हणून विलगीकरण कक्षात दाखल करण्यात आले आहे. तसेच उपजिल्हा रुग्णालय, कराड येथे 3, कृष्णा हॉस्पीटल, कराड येथे 2 नागरिकांना तीव्र जंतु संसर्गामुळे अशा एकूण 9 जणांना अनुमानित म्हणून दाखल करण्यात आले आहे. या सर्वांच्या घशातील स्त्रावांचे नमुने बी. जे. वैद्यकीय महाविद्यालय, पुणे येथे तपासणीसाठी पाठविण्यात आल्याचेही डॉ. गडीकर यांनी सांगितले आहे.

Lockdown : दारू दुकानमुक्त तालुक्यातच भट्ट्या फोफावल्या

Lockdown : मिलिटरी कॅंटीन पाच दिवस राहणार बंद; अत्यावश्‍यक सेवा वगळता उर्वरित सर्वांवर बंधने

लाकडे जमविण्यापासून ते सरण रचण्यापर्यंत प्रशासनाला कसरत करावी लागली. अंत्यसंस्कार गाडीसाठीही बराच वेळ खोळंबा झाला. सविस्तर वाचा या लढ्याविषयी 

झटपट पैसे कमवण्यासाठी युवकांच्या माध्यमातून दारुचा पूरवठा