सांगली : शहरातील महावीरनगर येथील बॅंकेतून वडिलांच्या मृत्यूनंतर मुलाने पेन्शन व बचत खात्यातील २१ लाख ६० हजारांची रक्कम परस्पर काढून घेतल्याप्रकरणी फसवणुकीचा गुन्हा शहर पोलिसांत दाखल करण्यात आला. सख्या बहिणीने भावाविरोधात फिर्याद दिली. अनंतराज ऊर्फ सतीश धनंजय बेलापुरे (रा. सोलापूर) असे गुन्हा दाखल झालेल्याचे नाव आहे. उज्ज्वला शीतल पाटील (वय ४७ रा. महावीर पार्क कोल्हापूर) यांनी फिर्याद दिली.
या संपूर्ण घटनेबाबत पोलिसांनी दिलेली माहिती अशी, फिर्यादी उज्ज्वला पाटील आणि संशयित अनंतराज ऊर्फ सतीश धनंजय बेलापुरे हे दोघेही सख्खे भाऊ बहीण आहेत. उज्ज्वला या लग्नानंतर कोल्हापूर येथे गेल्या.त्यांचे वडील धनंजय रामचंद्र बेलापूरे यांचे निधन झाले. त्यानंतर अनंतराज याने वडिलांची पेन्शन आणि बचत खात्यातील २१ लाखांची रक्कम परस्पर काढून घेतली. २० नोव्हेंबर ते १ डिसेंबर २०२० या कालवधीत महावीरनगर येथील सेंट्रल बॅंक ऑफ इंडियातून पैसे काढून घेतले.
बहिणीस न विचारता पैसे काढून घेतल्याचे समोर आले. त्यानंतर उज्ज्वला पाटील यांनी शहर पोलिंसांत फिर्याद दिली. त्यानुसार भावाविरोधात फसवणुकीचा गुन्हा दाखल करण्यात आला. पोलिस अधिक तपास करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.