सोलापूर ः स्त्री जन्मदर वाढावा यासाठी महाराष्ट्र शासनाने सुरू केलेली "कन्या कल्याण' योजनेचा लाभ शहरातील 23 बालिकांना मिळणार आहे. या संदर्भातील प्रस्ताव तयार झाले असून लवकरच त्या प्रमाणपत्रांचे वाटप संबंधित लाभार्थींना केले जाणार आहे.  महिला व बालकल्याण समितीच्या माध्यमातून ही योजना राबविली जात आहे. 

हेही वाचा.... जिल्हा परिषद निवडणुकीत काका, भय्या, मालक

योजनेचा झाला मार्ग मोकळा
अतिशय चांगली असलेली ही योजना महापालिकेत आर्थिक निकषात अडकली होती. नेमकी मदत किती करायची याबाबत एकमत न झाल्याने सध्या हा प्रस्ताव  निर्णयाविना प्रलंबित होता. मात्र, त्यावर आता तोडगा निघाला आहे. एक मुलगी असलेल्यांना पाच हजार रुपये आणि दोन मुली असतील तर अडीच हजार रुपये द्यावेत, अशी तरतूद करण्यात आली आहे. त्यानुसार कार्यवाही करण्यात येईल. संबंधित बालिका 18 वर्षे वयाची होईपर्यंत ही ठेव तिच्या नावावर असणार आहे.

लाभ घ्या... राज्यात शिवभोजन योजना लवकरच होणार सुरु 

अनेक योजना कागदावर राहण्याची शक्यता 
महिला व बालकल्याण समितीमार्फत राबविण्यात येणाऱ्या अनेक योजना या कागदावरच राहण्याची चिन्हे आहेत. महापालिका शाळांतील मुलांना टॅब देण्याचेही नियोजन समितीने केले होते. मात्र, फक्त 20 लाख रुपये उपलब्ध केले जातील, असे आयुक्तांनी सांगितल्याने या योजनांची अंमलबजावणी झाली नाही. कन्या कल्याण योजना, स्त्री-जन्माचे कौतुक आणि मुलींचा जन्मदर वाढविण्यासाठी महिला  व बालकल्याण समितीची ही योजना आहे. या योजनेचे गांभीर्य न समजलेल्या समितीतील पदाधिकाऱ्यांनी ती गुंडाळण्याचे नियोजन केले होते.  त्यासाठी लाभार्थी मिळत नसल्याचे कारण देण्यात आले होते. आता लाभार्थी उपलब्ध आहेत, यादीही तयार आहे. त्यानुसार निधीचे वाटप होणार आहे. 

लक्षवेधी.... आठ रुपयांच्या पिशवीसाठी 25 हजारांचा दंड 

या आहेत आणखीन योजना 
- गर्दीच्या ठिकाणी महिलांसाठी स्वच्छतागृह बांधणे 
- विडी कामगार महिला व मुलींसाठी व्यावसायिक प्रशिक्षण 
- महिलांसाठी समुपदेशन केंद्राची उभारणी 
- पाळणाघरांना आर्थिक मदत करणे 
- मुलींना स्वयंसंरक्षणाचे प्रशिक्षण देणे