एक महिन्यापासून पाऊस नसल्याने खरीप हंगाम आला धोक्‍यात

सोलापूर: राज्यात सगळीकडेच धो-धो पाऊस पडत आहे. मात्र, सोलापूर जिल्ह्यात मागील महिन्यापासून पाऊस नसल्याने खरीप हंगाम धोक्‍यात आला आहे. खरिपाची चांगली पेरणी झाली असून पाऊस नसल्याने ती वाया जाण्याची शक्‍यता निर्माण झाली आहे.

सोलापूर जिल्ह्यात जूनच्या पहिल्या आठवड्यात चांगला पाऊस झाला होता. त्या पावसाच्या जोरावर शेतकऱ्यांनी खरीप पिकांची पेरणी केली आहे. मात्र, गेल्या महिन्यापासून पाऊसच न पडल्याने उगवून आलेली पिके धोक्‍यात आली आहेत. दररोज ढगांची गर्दी होत असूनही पाऊस येत नसल्याने शेतकऱ्यांमध्ये चिंतेचे वातावरण पसरले आहे. गेल्या चार-पाच दिवसांपासून राज्यात सगळीकडे चांगला पाऊस पडत असल्याच्या बातम्या येत आहेत. मात्र, सोलापूर जिल्ह्याकडे पावसाने पाठ फिरविल्याचे चित्र आहे.

यंदा जूनच्या पहिल्या आठवड्यात चांगला पाऊस झाल्याने मोठ्या प्रमाणात खरीप पिकांची पेरणी झाली आहे. कृषी विभागाने निर्धारित केलेल्या क्षेत्रापेक्षा 200 टक्के पेरणी झाली आहे. खरिपाच्या पिकांची उगवणही चांगली झाली आहे. मात्र, आता पाऊस नसल्याने ती पिके धोक्‍यात आली आहेत. जिल्ह्यात आतापर्यंत सरासरी 163 मिलिमीटर पावसाची नोंद झाली आहे. मात्र, यापैकी जवळपास 150 मिलिमीटर पाऊस हा जूनच्या पहिल्या आठवड्यात झाला आहे. त्यामुळे कोणत्याही परिस्थितीमध्ये पाऊस पडणे गरजेचे आहे.

ई सकाळवरील ताज्या बातम्यांसाठी क्लिक करा :

• 'जग्गा जासूस'मधील अभिनेत्रीचा आढळला मृतदेह
• वनविभागाच्या सापळ्यात अडकला बिबट्याचा बछडा
• गाडीच्या शोधात एकाकी अडवानी...
• सावधानः व्हॉट्सअॅपवरच्या फसव्या मेसेजमध्ये आलेली लिंक उघडू नका !
• मराठी ही ज्ञानभाषाच!​
• झहीर खान नव्हे; भारत अरुणच नवे गोलंदाजी प्रशिक्षक...​
• नाशिक शहरात एक हजार मुलांमागे हजारावर मुली​
• ‘माझी कन्या भाग्यश्री’ नव्या रूपात - पंकजा​
• ठिबकसाठी समूह ऊस शेती हाच पर्याय​
• बदली करण्याचा सरकारला अधिकार : डी. रूपा​
• मोदींच्या कविता आता मराठीत​