द. सोलापूर(सोलापूर): सोलापूरमध्ये मराठी भवन व्हावे यासाठी महाराष्ट्र साहित्य परिषदेच्या दक्षिण सोलापूर शाखेतर्फे केलेल्या मागणीनुसार राज्य सरकारकडून सुमारे तीन कोटी रुपयांचा निधी झाला आहे. 

हेही वाचाः जिजाऊ ब्रिगेड जिल्हाध्यक्षपदी उज्वला साळुंके ; शहराध्यक्षपदी संजीवनी मुळे 

सोलापूरात मराठी साहित्य, नाट्य, संगीत आणि विविध कला समृध्दीसाठी अनेकांचे योगदान आहे. या शहराने अनेक प्रतिभावंत साहित्यिक, कलावंत महाराष्ट्राला दिले. सीमावर्ती असूनही मराठी भाषेची वृध्दी करण्यात सोलापूर अग्रेसर आहे. 

हेही वाचाः बार्शी टेक्‍सटाईल मिल सहा महिन्यापासून बंद ; कामगारावर उपासमारीची वेळ 

या सर्व पार्श्वभूमीवर सोलापूरमध्ये "मराठी भवन' तसेच त्यातील एका विभागाला स्व. दत्ता हलसगीकर यांचे नाव देण्याची मागणी महाराष्ट्र साहित्य परिषद शाखा दक्षिण सोलापूर यांच्या वतीने केली होती. त्यानुसार स्व. वासुदेव रायते, हास्यसम्राट प्रा. दिपक देशपांडे, प्रशांत बडवे, गुरू वठारे, रवी हलसगीकर यांनी आमदार प्रणिती शिंदेसह तत्कालीन मुख्यमंत्री पृथ्वीराज चव्हाण यांना भेटून मराठी भवनच्या मागणीचे निवेदन दिले होते. गेल्या 7 ते 8 वर्षापासून झालेल्या पाठपुराव्यामुळे सोलापूरात मराठी भवन तयार करण्यासाठी राज्य शासनाकडून निधी मंजूर झाला आहे. त्यानिमित्त साहित्य परिषद शाखा दक्षिण सोलापूरचे कार्याध्यक्ष प्रशांत बडवे, सल्लागार अविनाश महागांवकर, हास्यसम्राट दिपक देशपांडे, सहकार्यवाह गुरू वठारे, प्रसिध्दी प्रमुख विनायक होटकर, अभय जोशी यांनी आमदार शिंदेचा पुष्पगुच्छ देवून आभार व्यक्त करीत सत्कार केला. 

संपादनः प्रकाश सनपूरकर