सोलापूर : कोरोना विषाणूचा संसर्ग मुंबई-पुण्यात वाढू लागल्याने शिक्षण व नोकरीनिमित्त सोलापूर जिल्ह्यातून पुणे, मुंबईत स्थायिक झालेले एक लाख 52 हजार 955 जण आपल्या मूळ गावी (सोलापूर जिल्ह्याच्या ग्रामीण भागात/महापालिका हद्द वगळून) परत आले आहेत. पुण्यातून 90 हजार 185 तर मुंबईतून 31 हजार 119 जण सोलापूर जिल्ह्याच्या ग्रामीण भागात आले आहेत. परदेशी प्रवास केलेले 138 जण सोलापूर जिल्ह्यात आले असल्याची माहिती जिल्हा प्रशासनाच्या पाहणीतून समोर आली आहे. 

हेही वाचा - सर्वात मोठी बातमी! पहिल्या सेमिस्टरपर्यंत ऑनलाईन टिचिंग 

अन्य जिल्ह्यांतून सोलापूर जिल्ह्यात आलेल्या व्यक्तींची नोंदणी गावपातळीवर घेतली जात आहे. या नोंदीतून ही माहिती समोर आली आहे. सोलापूर जिल्ह्यातील तालुक्‍यांत पुणे, मुंबई व अन्य जिल्ह्यातून दाखल व्यक्तींची संख्या याप्रमाणे : अक्कलकोट 17 हजार 381, बार्शी 22 हजार 460, करमाळा : 21 हजार 339, माढा : 14 हजार 867, मोहोळ : सात हजार 158, माळशिरस : 16 हजार 320, मंगळवेढा : 10 हजार 941, उत्तर सोलापूर : चार हजार 171, पंढरपूर : नऊ हजार 123, सांगोला : 19 हजार 663, दक्षिण सोलापूर : आठ हजार 832. 

हेही वाचा - डॉक्‍टरची धक्कादायक माहिती! पीपीई किटच्या तुटवड्यामुळे पॅराशूट आणि एचआयव्ही कीटचा वापर 

अन्य जिल्ह्यांतून आलेल्यांना सर्दी, खोकला 
पुणे, मुंबई, अन्य देशातून व जिल्ह्यातून सोलापूर जिल्ह्यात आलेल्या दोन हजार 52 व्यक्तींना आज (रविवार) सर्दी, खोकला व ताप असल्याची माहिती देखील या अहवालातून समोर आली आहे. त्यात बार्शी तालुक्‍यातील 239, माळशिरस 343, पंढरपूर 520, दक्षिण सोलापूर 128, सांगोला 214, मंगळवेढा 133, मोहोळ 89, माढा 214, करमाळा 49, उत्तर सोलापूर येथील 55 व्यक्तींचा समावेश आहे.