सोलापूर ः येथील नरखेडकर काका हलवाईंच्या दुकानात गणेशोत्सवानिमित्त दोन किलो वजनाचा मोदक तयार केला आहे. हा भव्य मोदक मधला मारोती मंदिर बाजारपेठेत गणेश भक्तांचे लक्ष वेधून घेणारा ठरला आहे. 

हेही वाचाः पंढरपुरात मनसेची अनोखी गणेश सेवा ; घराघरात मोफत पोचवल्या ईतक्‍या हजार गणेशमुर्ती 

येथील नरखेडकर काका हलवाईचे दुकान अगदी 1974 पासून मिठाईच्या विक्रीसाठी प्रसिध्द आहे. दरवर्षी गणेशोत्सवानिमित्त या ठिकाणी मोदकोत्सव आयोजीत केला जातो. मोदकाचे अनेक प्रकार या निमित्ताने ते तयार करत असतात. गुलकंद मोदक, चॉकलेट मोदक, पिस्ता मोदक व स्पेशल मावा मोदक हे तयार केले जातात. बच्चे कंपनींना आवडणाऱ्या चॉकलेट मोदकाला चांगली मागणी असते. मोदकांमध्ये मिक्‍स फ्लेव्हरमध्ये विशेष प्रकार पसंत केले जातात. 

हेही वाचाः खुषखबर ! आंतरराष्ट्रीय क्रिकेट सामन्यासाठी पार्क मैदान पुढील वर्षापासून सज्ज 

मागील अकरा वर्षापासून या मिठाई दुकानात भव्य मोदक निर्मिती केली जाते. साधारण घरगुती ग्राहक पन्नास ग्र्रॅम पासून पाव किलोपर्यंत वजनाचे मोदक नेत असतात. मात्र गणेश मंडळाकडून दरवर्षी मोठ्या आकाराचे मोदक गणेशमुर्तीसमोर ठेवले जातात. हे मोठे मोदक तयार केले जातात. पुर्वी या मोदकाचे वजन अगदी अर्धा किलोपर्यंत असायचे. मात्र वाढती मागणी लक्षात घेता यावर्षी दोन किलो वजनाचा भव्य मोदक तयार करण्यात आला आहे. यावर्षी प्रथमच एवढा मोठा मोदक उत्सवाचे आकर्षण ठरला आहे. हा मोदक बनवण्यासाठी शुध्द खव्याचा वापर केला आहे. 

गणेश मंडळाचा विशेष प्रतिसाद 

मोदकोत्सवानिमित्त अशा प्रकारचे दोन किलो वजनापर्यंतचे मोदक बनवले आहे. सामान्य ग्राहकासोबत गणेश मंडळे मोठ्या मोदकांची मागणी करत असतात. 
- चेतन नरखेडकर, मिठाई विक्रेते, नरखेडकर काका हलवाई