पांगरी (सोलापूर): कुत्र्याने पाठलाग केल्याने विहिरीत पडलेल्या हरणाच्या पाडसाला तरुण व ग्रामस्थांनी दोरीच्या साहाय्याने बाहेर काढून जीवदान दिल्याची घटना आज (ता. 25) दुपारी चिंचोली (ता. बार्शी) परिसरात घडली.
हेही वाचाः सोलापूरकरांना शिस्त पाळा, अन्यथा लॉकडाउन
चिंचोली शिवारात पाऊस झाल्याने खरीप पेरणी शेवटच्या टप्प्यात आली आहे. यामुळे शेतकरी सकाळपासून संध्याकाळपर्यंत शेतीकामात व्यस्त आहेत. आज दुपारी कुत्र्याने एक हरणाच्या पाडसाचा पाठलाग केला. यावेळी शेतीची मशागत झाल्याने शेतातून पाडसाला पळणे शक्य होत नव्हते. घाबरलेले पाडस जीव वाचविण्यासाठी पळत असताना विहिरीतील पाण्यात पडले.
हा प्रकार शेतात काम करत असलेल्या शेतकऱ्यांनी पाहिला. मात्र विहिरीस पायऱ्या नसल्याने काढणे अवघड झाले होते. विहिरीत पडलेले पाडस पाण्यातून बाहेर निघण्यासाठी प्रयत्न करून थकले होते. यावेळी राहुल अभिमान शिंदे या तरुणाने धाडस दाखवित विहिरीत उडी घेऊन दोरीच्या साहाय्याने त्याच्या शिंगेस व अंगास बांधले. अविनाश शिंदे, लहू शिंदे, लिंबराज शिंदे, दिलीप शिंदे, सुनील शिंदे, विकास शिंदे, अभिमान शिंदे, महादेव शिंदे यांनी दोरीच्या साहाय्याने ओढून बाहेर काढून पाडसाला जंगलात सोडून दिले. विहिरीच्या बाहेर काढल्यानंतर त्यास लगेच सोडून दिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.