पंढरपूर(सोलापूर)ः पंढरपूर परिसरात कोरोना रुग्णसंख्येचा आकडा तीनशेवर पोहोचल्याने उपचार करणाऱ्या आरोग्य यंत्रणेवर मोठा ताण आला आहे. इतर आजाराच्या रुग्णांकडे (कोमॉर्बिड) व संशयित रुग्णांच्या संदर्भात स्वतंत्र वार्ड करणे आवश्‍यक झाले आहे. इतर आजाराचे रुग्ण व आरोग्य यंत्रणेवरील ताण कमी करण्यासाठी स्वतंत्र वार्ड हाच पर्याय वापरणे महत्वाचे झाले आहे. 

हेही वाचाः कोरोना उपचारात या पंचसूत्री आधारे कोविड सेंटरचा बनला सोलापूर पॅटर्न 

शहरात व तालुक्‍यात कोरोना रुग्ण संख्या तीनशेच्या वर गेली आहे. कोरोनामुळे पाच जणांचा मृत्यु झाला आहे. कोरोना संसर्ग साथीमुळे इतर आजार असलेल्या रुग्णांकडे दुर्लक्ष होत असल्याचे अनेक प्रकार समोर येवून लागले आहेत. खासगी रुग्णालयात देखील इतर आजाराच्या रुग्णांवर वेळेत उपचार केले जात नाहीत. इतर आजारांसाठी शासकीय व खासगी रुग्णालयात स्वतंत्र सोय उपलब्ध करुन देणे आवश्‍यक झाले आहे. योग्य उपचार मिळाले तर या रुग्णांचा धोका कमी होण्यास मदत होऊ शकते. 

हेही वाचाः दहा जुलैची अधिसुचना रद्द,अन्यथा 10 ऑगस्टपासून आंदोलन; कोणी दिला इशारा? वाचा 

सध्या पावसाळ्याचे दिवस सुरु आहेत. त्यामुळे या काळात सर्दी, ताप, खोकल्याचे आजारही वाढत आहेत. हे रुग्ण कोरोना आजाराचे नसले तरी लक्षणे सारखी असल्याने त्यांना रुग्णांना स्वतंत्र ठिकाणी उपचार सुरु करावेत. त्यामुळे आरोग्य यंत्रणेवरील ताण कमी होण्यास मदत होईल. 

उपाययोजना कराव्यात 
शहरामध्ये कोरोना रुग्णांची संख्या दिवसेंदिवस वाढत असल्याने संशयित व कोमॉरबीड (इतर आजार व कोरोना असलेले रुग्ण) रुग्णासाठी स्वतंत्र आयसोलेशन वार्ड सुरु करावेत 
- विवेक परदेशी, सभापती आरोग्य समिती नगरपालिका पंढरपूर