सोलापूर : रेल्वे प्रशासनाने (Railway Administration) शेतकऱ्यांच्या शेतीमालाला योग्य मार्केट मिळावे, शेतकऱ्यांचा शेतीमाल विविध ठिकाणी पोचला जावा, या विचाराने किसान रेल्वे (Kisan Railway) सुरू केली आहे. कोरोना काळात शेतकऱ्यांच्या शेतीमालाचे देशातील विविध भागात वितरण झाले. त्यामुळे शेतकऱ्यांना देशातील विविध ठिकाणी शेतीमाल पोचता होत असल्याने त्यांचा आर्थिक विकासही होत आहे. किसान रेल्वे पार्सल एक्‍स्प्रेस सध्या आठवड्यातील तीन दिवस धावत आहे. शेतकरी आणि व्यापऱ्यांचा उत्तम प्रतिसाद मिळत असल्यामुळे रेल्वे प्रशासनाने ही एक्‍स्प्रेस आता आठवड्यातील चार दिवस चालविण्याचा निर्णय घेतला आहे. 9 ऑगस्टपासून हा नवीन बदल अस्तित्वात येणार असल्याची माहिती रेल्वेचे वरिष्ठ विभागीय वाणिज्य व्यवस्थापक प्रदीप हिरडे (Pradeep Hirade, Solapur) यांनी दिली.

गाडी क्रमांक 00107 देवळाली- मुजफ्फरपूर किसान रेल्वे एक्‍स्प्रेस ही आठवड्यातील प्रत्येक मंगळवारी, गुरुवारी, शनिवारी धावत होती. ही गाडी 9 ऑगस्टपासून आठवड्यातील प्रत्येक सोमवारी, मंगळवारी, गुरुवारी आणि शनिवारी धावणार आहे. गाडी क्रमांक 00108 मुजफ्फरपूर - मनमाड किसान रेल्वे क्‍स्प्रेस ही आठवड्यातील प्रत्येक गुरुवारी, शनिवारी आणि सोमवारी धावत होती. ही गाडी आता आठवड्यातील प्रत्येक गुरुवारी, शनिवारी, सोमवारी आणि बुधवारी धावणार आहे. गाडी क्रमांक 00109 सांगोला- मनमाड किसान रेल्वे क्‍स्प्रेस ही आठवड्यातील प्रत्येक मंगळवारी, गुरुवारी आणि शनिवारी धावत होती, ती आता आठवड्यातील प्रत्येक सोमवारी, मंगळवारी, गुरुवारी आणि शनिवारी धावणार आहे. गाडी क्रमांक 00110 मनमाड- दौंड किसान रेल्वे क्‍स्प्रेस ही आठवड्यातील प्रत्येक मंगळवारी, शुक्रवारी आणि रविवारी धावत होती, ती आता प्रत्येक शुक्रवारी, रविवारी, मंगळवारी आणि गुरुवारी धावणार आहे.

गाडी क्रमांक 00111 पुणे- दौंड किसान रेल्वे क्‍स्प्रेस ही आठवड्यातील प्रत्येक सोमवारी, मंगळवारी आणि गुरुवारी धावत होती. ती आता आठवड्यातील प्रत्येक सोमवारी, मंगळवारी, गुरुवारी आणि शनिवारी धावणार आहे. गाडी क्रमांक 00112 दौंड- पुणे किसान रेल्वे क्‍स्प्रेस ही आठवड्यातील प्रत्येक मंगळवारी, शुक्रवारी आणि रविवारी धावत होती. सदरील गाडी 9 ऑगस्टपासून आठवड्यातील प्रत्येक शुक्रवारी, रविवारी, मंगळवारी आणि गुरुवारी धावणार आहे. त्यामुळे शेतकरी व व्यापाऱ्यांमधून समाधान व्यक्त होत आहे