सोलापूरः पर्यावरणपुरक गणपती दरवर्षी बसवल्यानंतर घरात विसर्जन केल्यानंतर विसर्जनाच्या मातीत गणपतीबाप्पाची आठवण म्हणून एक झाड वाढवायचे. आजही त्यावर्षीचा गणपती वृक्षरुपाने आपल्या सोबत आहे. या कामाची सुरुवात केल्यानंतर आता अनेक मित्राच्या घरी याच पध्दतीने झाडे लावली जात आहे. माझ्या घरात दरवर्षीच्या गणपतीची नऊ झाडे लागली आहेत. आता विद्यार्थी, शेजारी व मित्रांनी झाडे लावण्यास सुरुवात केली आहे असे मनोगत शिवानंद हिरेमठ यांनी व्यक्त केले. 

हेही वाचाः भाजपाच्या वतीने मंदिरे उघडण्याच्या मागणीसाठी घंटानाद आंदोलन 

पर्यावरणवादी कार्यकर्ते व अभ्यासक शिवानंद हिरेमठ यांनी या उपक्रमाची माहित दिली. . 

हेही वाचाः मुर्तीचे संकलन, विसर्जन करणार महापालिका 

सुरुवातीला मी तलावाच्या काठावर पक्षी निरिक्षणासाठी फिरत होतो. उन्हाळ्यात पाणी आटल्यावर या तलावात गणेश मुर्तीचे अवशेष न विरघळलेल्या अवस्थेत दिसत असत. मूर्तीचे अवशेष व रासायनिक रंगामुळे या तलावातील जैवसाखळी विस्कळीत झाल्याचे दिसून येत होते. छोटे जिवाणू, मासे, किटक आणी विदेशातून येणारे पक्षी या सर्व घटकावर याचा विपरित परिणाम होत असल्याचे निरिक्षण केले. 
स्वतः पासून सुरवात करावी म्हणून घरी पर्यावरण पुरक गणपती बसवला. मातीचे गणपती तयार करण्याच्या कार्यशाळेमध्ये मुर्ती करण्याचे शिकले. घरच्या घरी मूर्ती विसर्जीत केल्यानंतर बकेट मध्ये विरघळलेल्या मातीचे पाणी राहत असे. हे माती व पाणी कुुंडीत टाकून त्यात झाड लावले. दरवर्षी गणपतीच्या विसर्जनात राहिलेली माती कुंडीत टाकून त्यामध्ये एक झाड लावले गेले. 
त्यांच्यासोबत त्यांचे मित्र व परिचयातील व्यक्तींनी देखील गणपती घरीच विसर्जन करून उरलेल्या मातीचे कुंड्यात झाडे लावण्यास सुरुवात केली. विनित पलंगटी यांनी नंतर याच पध्दतीने झाडे लावली. त्यानंतर सुशांत कुलकर्णी, अजित चौहाण, अथर्व ईनामदार, बाळासाहेब लांबतुरे, संतोष धाकपाडे, महादेव डोंगरे, अवंती झिंजुरे, विनय गोटे, गणेश पवार, आदित्य क्षीरसागर व नम्रता चौगुले यांनी याच पध्दतीने दरवर्षीच्या गणेशाच्या आठवणी झाडाच्या रुपात जतन केल्या आहेत. आता हा पायंडा एका कुटुंबाकडून दुसऱ्या कुटुंबाकडे जाऊ लागला आहे. 

 तुळस, सब्जा व गोकर्ण हे झाडे लावली
लाल मातीची गणपती केला तर विसर्जनानंतर झाड लावण्यासाठी वापरतो. शाडूच्या मातीचा गणपती केला तर तो दिवाळीत किल्ला बनवण्यासाठी वापरतो. आतपर्यंत या मातीमध्ये तुळस, सब्जा व गोकर्ण हे झाडे लावली आहेत. 
- विनित पलगंटी, सोलापूर 

 
 गुलाब व तुळस झाडे लावली
माझ्या घरी गौरीसोबत गणेश विसर्जन होते. तीन वर्षापासून शाडुची मूर्ती बनवत आहे. या मूतीचे विसर्जन केल्यानंतर त्यातील माती कुंडीत टाकली. त्यामध्ये गुलाब व तुळस अशी झाडे लावली आहेत. 
- सुशांत कुलकर्णी  सोलापूर