अखेर सांगोला साखर कारखान्याचे धुराडे यंदा पेटणार! "धाराशिव'ने घेतला भाडेतत्त्वावर Canva
सोलापूर

अखेर सांगोला साखर कारखान्याचे धुराडे यंदा पेटणार!

अखेर सांगोला साखर कारखान्याचे धुराडे यंदा पेटणार! 'धाराशिव'ने घेतला भाडेतत्त्वावर

दत्तात्रय खंडागळे

गेल्या काही वर्षांपासून बंद असलेला सांगोला तालुका शेतकरी सहकारी साखर कारखाना अखेर येत्या गळीत हंगामापासून पूर्ण क्षमतेने सुरू होणार आहे.

सांगोला (सोलापूर) : गेल्या काही वर्षांपासून बंद असलेला सांगोला तालुका शेतकरी सहकारी साखर कारखाना (Sangola Taluka Shetkari Sahakari Sakhar Karkhana) अखेर येत्या गळीत हंगामापासून पूर्ण क्षमतेने सुरू होणार आहे, अशी माहिती कारखान्याचे अध्यक्ष माजी आमदार दीपक साळुंखे-पाटील (Deepak Salunkhe-Patil) यांनी दिली. धाराशिव साखर कारखाना प्रा. लि.चे (Dharashiv Sugar Factory) प्रमुख अभिजित पाटील (Abhijit Patil) आणि सांगोला तालुका शेतकरी सहकारी साखर कारखाना यांच्यात भाडेतत्त्वावर कारखाना सुरू करण्याचा करार झाल्याने येत्या गळीत हंगामापासून कारखाना सुरू होण्याचा मार्ग मोकळा झाला आहे. अनेक वर्षांपासून बंद असलेल्या सांगोला सहकारी साखर कारखान्याचे धुराडे अखेर यंदा पेटणार आहे.

गेल्या दोन वर्षांत नीरा उजवा कालवा, टेंभू योजना, म्हैसाळ योजना, तसेच सांगोला शाखा कालवा या सिंचन योजनांचे पाणी सांगोला तालुक्‍याच्या चोहोबाजूंनी फिरल्याने तालुक्‍यात उसाची लागवड प्रचंड प्रमाणात झाली आहे. तालुक्‍यातील शेतकऱ्यांची भावना लक्षात घेऊन दीपक साळुंखे- पाटील यांनी राज्याचे उपमुख्यमंत्री अजित पवार यांना सांगोला कारखाना लवकरात लवकर सुरू करण्याची विनंती केली होती. यानुसार मुंबई येथे सह्याद्री अतिथिगृह येथे उपमुख्यमंत्री अजित पवार, सहकारमंत्री बाळासाहेब पाटील, कारखान्याचे अध्यक्ष दीपक साळुंखे-पाटील, सर्व संचालक मंडळ, धाराशिव साखर कारखाना प्रा.लि.चे प्रमुख अभिजित पाटील, महाराष्ट्र राज्य सहकारी बॅंकचे (शिखर बॅंक) अध्यक्ष अनासकर यांच्यात बैठक पार पडली. या बैठकीत सांगोला तालुका शेतकरी सहकारी साखर कारखाना धाराशिव साखर कारखाना प्रा.लि.चे प्रमुख अभिजित पाटील यांना भाडेतत्त्वावर चालविण्यास देण्याचे सर्वानुमते ठरले.

चालू हंगामापासून कारखाना पूर्ण क्षमतेने चालविणार

गेल्या काही वर्षांपासून बंद अवस्थेत असलेला सांगोला तालुका शेतकरी सहकारी साखर कारखाना आपण भाडेतत्त्वावर चालविण्यास घेतला आहे. धाराशिव साखर कारखाना प्रा.लि.चे हे चौथे युनिट आहे. कारखान्याचे अध्ययक्ष दीपक साळुंखे-पाटील तसेच सर्व संचालक मंडळ यांच्या सहकार्यातून येत्या गळीत हंगामापासून सांगोला तालुका शेतकरी सहकारी साखर कारखाना आपण पूर्ण क्षमतेने आणि ताकदीने सुरू करणार आहोत

- अभिजित पाटील, प्रमुख, धाराशिव साखर कारखाना

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

IND vs NZ, 1st Test: रचिन रवींद्रला DRS अभावी जीवदान, पण अखेर OUT! डॅरिल मिचेलचाही जैस्वालने घेतला भारी कॅच; लंचपर्यंत भारताचं वर्चस्व

MS Dhoni Retirement: "मी गांगुलीला तेव्हाच सांगितलेलं..." सचिन तेंडुलकरने धोनीबद्दलचा सांगितला जुना किस्सा; खास पोस्ट चर्चेत

Maharashtra Wage Rules: सुट्टीच्या दिवशी काम केल्यास मिळणार दुप्पट पैसे? महाराष्ट्रातील नव्या वेतन नियमांत काय?

IND vs NZ, 1st Test: बुम बुम बुमराह! तिसऱ्याच बॉलवर न्यूझीलंडच्या कर्णधाराला केलं क्लिन बोल्ड, दोन्ही ओपनर बाद; Video

Motherhood and Career: आई झाल्यानंतर पुन्हा ऑफिसला जाताय? कामावर परतताना महिलांनी 'या' गोष्टी लक्षात ठेवा; डॉक्टरांचा सल्ला

SCROLL FOR NEXT