पंढरपूर (सोलापूर) : देव दर्शनासाठी निघालेल्या वैराग (ता. बार्शी) येथील फलफले कुटुंबियावर आज सकाळी वेळापूर जवळ काळाने घाला घातला. टॅंकर आणि कारच्या अपघातामध्ये कारमधील सहा जणांचा दु्दैवी मृत्यु झाला. यामध्ये दैवबलवत्तर म्हणूकी काय सई दिनानाथ फलफले ही पाच वर्षाची चिमुकली बाचवाली आहे. या अघातामध्ये तीच्या वडीलांचा जागेवरच मृ्त्यु झाला तर आई पूजा दिनानाथ फलफले (वय 30) या गंभीर जखमी झाल्या आहेत.
फुलफले कुटुंबिय आज पहाटे वैरागहून कारमधून सहकुटुंब पंढरपूरच्या विठ्ठलाचे आणि जेजुरीच्या खंडेरायाच्या दर्शनासाठी निघाले होते. सकाळी पंढरपुरात आल्यानंतर विठ्ठल दर्शन घेतले. त्यानंतर ते वेळापूर मार्गे जेजुरीकडे मार्गस्थ झाले. सकाळी आठ वाजणेच्या सुमारास वेळापूरच्या जवळ पिसेवाडी पाटीजवळ समोरुन येणाऱ्या सिमेंट टॅंकरने त्यांच्या कारने जोरात धडक दिली. हा अपघात इतका भीषण होता की, कारगाडीचा पूर्ण चेंदामेंदा झाला. यामध्ये पाचजणांचा जागीचा मृत्यु झाला तर पार्वती महादेव फलफले (वय 75) यांचा उपाचारा दरम्यान मृत्यु झाला. इतक्या भीषण अपघातातून सई दिनानाथ फलफले ही पाच वर्षाची चिमुकली दैवबलवत्तर म्हणून बालंबाल बचावली. यामध्ये तीची आई पूजा ही गंभीर जखमी असून तिचीही मृत्युशी झुंज सुरु आहे. फलफले कुटुंबिय हे मुख्यमंत्री सहाय्यता निधी कक्षाचे प्रमुख डॉ. अमोप्रकाश शेटे यांचे जवळच नातलग असल्याची माहिती आहे.
अपघातानंतर टॅंकर चालक पळून गेला आहे. त्यामुळे अपघात कसा झाला याबाबत पोलिस अधिक माहिती घेत आहेत. अघाताची माहिती मिळताच वेळापूर व पिसेवाडी येथील स्थानिक लोकांनी जखमींना रुग्णालयात दाखल कऱण्यासाठी मदत केली.