Rahul Sarvade Passed Away: बहुजन समाज पार्टीचे माजी केंद्रीय सचिव, निष्ठावंत भिमसैनिक राहुल सरवदे यांचं निधन झालं आहे. हृदयविकाराचा झटका आल्याने त्यांच्यावर उपचार सुरू होते. उपचार सुरू असताना त्यांची प्राणज्योत मालवली.

त्यांचे वय 65 वर्ष इतके होते. त्यांची अंत्ययात्रा सोलापुरातील बुधवार पेठेतील त्यांच्या निवासस्थानातून सायंकाळी चार वाजता निघणार आहे. आंबेडकरी चळवळीतील सोलापुरातील ते ज्येष्ठ नेते म्हणून त्यांची ओळख होती.

बहुजन समाज पार्टीमध्ये काम करताना त्यांनी अनेक पदं भूषवली आहेत. सोलापूर लोकसभा निवडणुक ही त्यांनी लढवली होती. अत्यंत कणखर, स्पष्टवक्तेपणा, रोखठोक स्वभाव आणि सर्वसामान्यांसाठी झटणारे नेतृत्व म्हणून राहुल सरवदे यांची ओळख होती. राहुल सरवदे यांनी बहुजन समाज पार्टीच्या स्थापनेपासून बहुजन समाज पार्टीचे संस्थापक काशीराम तथा राष्ट्रीय अध्यक्ष मायावती यांच्यासोबत काम केले आहे.